SKYBIKING SA BAGUIO DE CEBU

Adunay bag-ong atraksyon sa lungsod sa Balamban nga makadani sa mga turista labi na karong summer ug maghatag og kalingawan niadtong mahilig og adventures.

Niadtong Marso 10, 2018, gihimo ang soft opening sa Baguio de Cebu Eco Mountain Adventures.

Naa kini mahimutang sa Mt. Manunggal sa Barangay Sunog.

Sa pag-abot nimo sa lugar, mogakos nimo ang kabugnaw sa hangin, mosugat nimo ang dagkong punoan sa pine trees ug ang nindot nga talan-awon sa palibot.

Ang baga nga fog molandong usab sa dapit.

Masinati nimo ang bugnaw nga klima sa dapit nga sama sa naa ka sa siyudad sa Baguio hinungdan mas maayo magdala og jacket o ubang proteksyon sa lawas. Unsay kalingawan sa lugar

Daghan ka og mabuhat sa Baguio de Cebu labi na kon hilig nimo ang outdoor activities.

Usa sa atraksyon niini ang skybiking.

Sa kantidad nga P150, back and forth, masukod ang imong kaisog labi na kon duna kay fear of heights.

Ang skybike kay 50 ka tiil ang gihabugon gikan sa yuta hangtod sa ibabaw.

Mahimo nga mag-inusara ka o may pares samtang magsikad sa ibabaw subay sa gilinya nga kable nga may gitas-on nga 100 ka metros.

Alang sa kaluwasan sa mga turista, kutob sa 90 ka kilos ang mahimong mag-skybiking.

May horseback riding usab sa tag P150 sud sa usa ka round. Upat ka mga kabayo ang kapilian.

Kon wa pa ka matagbaw sa skybiking ug horseback riding, nagdalit usab ang Baguio de Cebu Eco Mountain Adventures og trekking ug mountain climbing diin magtag-

ang imong singot sa pagtungas bisan kon bugnaw ang palibot.

Tulo ka mga bukid ang kapilian: ang Manunggal Peak, Mt. Mauyog ug Monkey Mountain.

Apan sapagkakaron, ang Manunggal Peak una ang girekomendar sa mga guide sanglit i-develop pa ang trail sa Mt. Mauyog ug Monkey Mountain.

Sa matag pito ka tawo, P400 ang bayad sa guide sa trekking. Mahimo usab ka mag

camping sa Baguio de Cebu. Kon wa kay tent, may paabangan sa tag P300 alang sa overnight nga pagkatulog.

Kining tanan imong masinati pinaagi sa entrance fee nga P80.

Sapagkakaron usab, wa pay kan-anan o restaurant sa lugar hinungdan mas maayo magbawon og imong kauaktak

galingon nga pagkaon.

Apan mahimo ka magpaluto nga may bayad nga P500 alang sa usa ka kilong manok nga binisaya.

Ang nakanindot sa Baguio de Cebu Eco Adventures gawas nga malingaw ka, makatabang usab ka sa mga molupyo sa Barangay Sunog nga nagporma og kooperatiba, ang Barangay Unity Key Integrated Development Multi-purpose Cooperative (Bukid-MPC).

Sa pakigtambayayong sa Department of Environment and Natural Resources (DENR) 7, ang mga sakop sa BUKID-MPC maoy nag-operate ug nagdumala sa eco

adventures nga gipangulohan sa ilang chairman nga si Jose Bebelonio Pepito, 60. /