SWU milusad og medical mission

Ang SWU Alumni Foundation, Inc. (SWUAFI) ug ang Southwestern University PHINMA malampuson nga nipahigayon og comprehensive community outreach program niadtong Pebrero 25, 2018 nga gitawag og Halad sa Katawhan sa Badian 2018.

Inabagan sa taga Lungsod sa Badian, Sugbo pinangulohan ni Hon. Mayor Carmencita L. Lumain, konseho ug sa Cebu Provincial Health Office (CPHO).

Mukabat sa 1,500 benepisyaryo ang nakapahimulos sa libreng Medical, Dental, Optical, Laboratory, ug Veterinary services, ug usab mga libreng medisina ug kapin 400 ka eye-glasses ang gipang-apod-apud.

Didto atol sa maong kalihukan sila si Dr. Sergio P. Damo, Jane H. Valparaiso, ug Atty. Ronald S. Baquiano mireprensenta sa SWUAFI. Michael Angelo T. Portes.

Ang maong kalihukan giapilan usab sa musunod: Dr. Mei Ye Alguire, Sacred Heart Hospital Chief of Clinics; Adriel Arman Pizarra, Head of Nursing Team; Julius P. Mario, Head of Medical Technologists; Dr. Wilma Tuñacao, Head of Dental Team; Dr. Louie L. Maestrado, Head of Veterinary Volunteers; ug Dr. Ruth M. Ortiz (Dean of College of Optometry)

Ang SWU PHINMA maoy adunay labing daghang medical and paramedical nga mga graduwado sa Bisayas ug Mindanao.

Ang SWU Alumni Foundation, Inc. padayong nakigtambayayong sa maong unibersidad, komunidad, ug usab sa mga alumni pinaagi sa paghatag og komprehensibong mga serbisyo ug program alang sa katawhan sa habagatan sa lalawigan sa Sugbo.

TAMPO NGA HULAGWAY KATAWHAN SA BADIAN: Ang katawhan sa Badian ga makabenepisyp sa medical mission sa SWU Alumni Foundation, Inc.

ROLANDO R. MORALLO Editor