Libre nga Summer Sports training sa CCSC sugdan Apr 9
Aron paghatag og kahigayonan sa mga kabatan-onan atol ning bakasyon sa klase, sa makausa pa, ang Cebu City Sports Commission (CCSC), inabagan sa Cebu City Government, Department of Education (DepEd), Philippine Sports Commission (PSC) pormal nga milusad kagahapon sa libring Summer Grassroots Sports Training Program.
Sa press conference sa The Port Seafoods City sa Waterfront Hotel and Casino - Lahug, dakbayan sa Sugbo, si Cebu City councilor Joy Augusto Young, uban ni CCSC chairman Edward Hayco, ug Ricky Ballesteros mipahibawo nga ang maong kalihukan nga gisugdan niadtong 2011 dun- gan nga moabli karong Abril 9 sa managlaing eskuwelahan sa North ug South district.
Kini abli sa mga kabatan-onan nga nagpangidaron og 6-anyos ngadto sa 18 anyos.
Kini mao ang archery, air rifle, arnis, badminton, beach volley, boxing, chess, muay thai, dancesports, futsal, karatedo, lawn tennis, pencak silat, scrabble, sepak trakraw, softball/baseball, table tennis, taekwondo, touch rugbi, track and field, volleyball, weightlifting, wushu ug gymnastics.
Sa North district, ang training sessions anha ipahigayon sa mga gym sa mga elementary schools sa City, Hipodromo, Lahug, Mabolo, Tejero, Zapatera, Bo.Luz ug Talamban. Sa South district kini anha himuon sa Don Vicente Rama Memorial School sa Basak, San Nicolas, Pardo, Mambaling, Labangon, Punta Princesa, Guadalupe, Inayawan, San Nicolas, Cebu City Sports Institutue, Oppra ug Tisa.