Osmeña miakusar ni Pesquera nga mi-post sa FB og fake news
Mao kini ang paghulagway ni Cebu City Mayor Tomas Osmeña ang post sa Facebook sa iyang kontra sa pulitika nga siya tiggamitan og morphine.
Samtang gi-congratulate niya si kanhi Mayor Michael Rama human nagkaestorya na si Rama kang Presidente Rodrigo Duterte aron malimpiyo iyang pangan nga gipasanginlang drug protector.
Nitumaw ang maong isyu dihang ni-post si Konsehal Joy Pesquera sa iyang Facebook
account kabahin sa taho nga naggamitan ang mayor og morphine isip painkiller.
“Before you - Tommy Osmeña make accusations and calling our group Team Suyop - please
check your own backyard. Release the results of your drug
test,” tipik sa maong FB post niadtong Marso 4.
Kagahapon, atol sa pakighinabi ni Osmeña sa tigbalita gipakita pa niini ang iyang bukton diin wala kini’y mga samad sa tinusukan sa dagom.
“That’s fake news. Do i look like i’m on morphine?” si Osmeña
nagkanayon.
Ang morphine usa ka painkiller nga gigamit sa mga pasyente sa cancer. Nikomedya pa gani kini nga
“Do you see me floating on my desk? Do you see me walking into a telephone post?”
“Congratulations to Mike Rama. I hope he runs for mayor, no problem, Cebuanos need
more candidates,” si Osmeña kabahin sa pakigkita ni Rama kang Duterte.
Apan nipahinumdom kini nga dili si Duterte ang mopili sa mayor sa Sugbo apan ang mga Sugboanon, “Duterte is not going to choose who the next mayor of Cebu. It’s the Cebuanos who will choose the next mayor of Cebu.”