SMB-HOTSHOTS FINALS SUGDAN

Kon ang elimination series maoy basehan, gituohan nga sangkap sa kakulba ug kahinam ang masaksihan ning

title showdown tali sa threetime defending champion San Miguel Beer ug Magnolia Hotshots sa PBA Philippine Cup 2018 nga sugdan karong gabii sa Smart Araneta Coliseum.

Niadtong Pebrero 4, ang Beermen daw sa naglatay una og pisi una pa kini makaipsot, 77-76, batok sa Magnolia sa

ilang makapakitbi sa atay nga kombati didto sa Ynares Sports Center sa Antipolo.

Tungod niini, napamatuod sa Hotshots ang ilang kapabilidad nga matangtangan sa korona ang defending champion

San Miguel nga sulod na sa tulo ka tuig maoy nagdominar ning maong conference.

“Masarap kalaban ang champion. Mas lalo ngayon kalaban namin three-time champion,” matod sa beteranong pointguard sa Hotshots nga si Mark Barroca.

Mosulod sa korte nga inilog man tuod ang Beermen apan sayod ang Hotshots nga aduna silay saktong pamaagi nga makakombati ning series nga sugdan sa alas siete ang takna karong gabii.

“Kuha nila yung huling tatlong (Philippine Cup) championships. Mabigat silang kalaban. Pero titignan namin kung ano ang magagawa namin,” padayag ni PJ Simon.

Sa wala pa ang ilang praktis, si Magnolia coach Chito Victolero ug ang iyang staff ang seryusong nagtuon sa mga duwa sa Beermen ug ilang giila ang mga weakness niini.

“Siguradong may weakness yan,” ingon ni Victolero.

“Kung paguusapan yun first five (June Mar Fajardo, Arwind Santos, Chris Ross, Alex Cabagnot and Marcio Lassiter) nila, kahit sinong team hindi makakasabay. We need to have

a good scheme and we need

A-game from our players,” dugang ni Victolero. Giangkon ni SMB headcoach Leo Austria nga nasurprisa gyud siya sa depensa nga gipakita sa Hotshots sa ilang duwa sa elimination.

“Na-shock ako sa depensang inilaro nila coming from a game just 48 hours ago. Parang they saved their energy for us,” matod ni Austria. “They’re inspired to beat us, and so we really have to be careful.” / JBM