Bagitong pulis positibo sa gidiling drugas

Bagitong pulis nga sakop sa Compostela station ang positibo sa paggamit sa ilegal nga drugas human gipaubos sa kinalit nga drug test sa Cebu Provincial Anti-Drug Abuse Office kagahapon.

Wala una nganli ni Sr. Supt. Edgar Alan Okubo ang maong pulis samtang, wala pa mogawas ang resulta sa confirmatory test nga gihimo ang kampo Crame.

Apan mimando ang CPPO Director sa hepe sa Compostela nga parelibohan sa katungdanan ang PO1 ug ibalhin sa Personnel Holding Accounting Unit (PHAU) samtang ipaubos siya sa imbestigasyon.

Nasagmuyo si Okubo nga taliwala sa iyang awhag sa iyang mga sakop aduna pa gihapon ang nagpadayon sa ilegal nga bisyo sama sa pag gamit sa illegal nga drugas bisan sa kataas na sa suweldo.

Bahad niya nga kung mag positibo sa confirmatory

test ang maong Police Officer 1 (PO1) pasugdan na dayon niya ang kasong administratiba aron mataktak kini sa serbisyo.

“We immediately relieved yung police nandyan na sya sa PHAU now undergoing interview pa muna what really happened is he using? But this will undergo confirmatory testing,” matod ni Okubo.

Una nang mihulga si General Robert Quenery nga iyang paphaon sa PNP organization ang si bisan kinsa nga police sa Police Regional Office (PRO) 7 nga masuta nga nag gamitan sa ilegal nga drugas.

Niluwat na kini sa Regional Investigation and Detective Management Division nga paspasan ang imbestigasyon sa mga pending pa nga kaso nga naa sa ilang buhatan niadtong mga pulis nga nag positibo sa paggamit sa ilegal nga drugas.