Mga kandidato misugod nag baha
Kapin sa 100 ka political aspirants gikan sa nagkadaiyang mga barangay sa Cebu City, lakip sa usa ka 84-anyos nga gustong modagan pagka barangay councilor sa Budlaan, ningduso sa ilang certificate of candidacy (COC) sa mga buhatan sa Commission on Elections sa siyudad kagahapon.
Si Dionisio Muñeza, 84, niingon nga siya nakahukom sa pagdagan isip barangay councilor kay nakahimo siya og maayo sa iyang kinabuhi ug gusto siyang mahinumdoman sa iyang mga silingan.
“I’m just having fun and I just really want to run and serve,” matod niya sa mga reporter.
Kagahapon ang unang adlaw sa pag-file sa COC alang sa mga gustong modagan sa pagka opisyal sa barangay ug Sangguniang Kabataan sa Mayo 14.
Mokabat sa 121 ang nang-file sa ilang mga COC.
Sa north district, mokabat sa 75 ka mga individual ang ning-file; upat ka mga barangay kapitan, 41 ka barangay councilors, upat ka SK chairperson ug 26 ka SK councilors.
Sa south district, mokabat sa 46 ang ning-file; lima ka barangay captains, 35 ka barangay councilors, upat ka SK chairperson ug duha ka SK councilors.
LAPU-LAPU
Moabot sa 74 ka mga kandidato sa barangay ug SK sa dakbayan sa Lapu-Lapu ang hingpit nang nakaduso sa ilang COC sa unang adlaw sa filing sa COC.
Samtang sa dakbayan sa Mandaue adunay duha ka mga kandidato pagka barangay kagawad ug SK ang mi-file.
Si Atty. Ann Janet Lamban, election officer sa Lapu-Lapu, niingon nga gipahinumduman niya ang mga kandidato nga sayo moduso sa ilang COC.