BAKI GIHIMONG BIKINI
Nag-viral ang hulagway sa usa ka babaye nga taga Louisiana, U.S.A. nga nagpakita sa mga baki nga iyang giporma og bikini.
Si Fabiana LeFleur, 28, nagpuyo sa Henderson, Louisiana, nakahukom nga maghimo og talagsaon nga bikini ug iyang nahunahunaan nga maggamit og mga baki.
Siya nagdako sa dapit diin ang pagpangayam ug pagpanagat maoy nahimo nga panginabuhian.
Siya gitudloan sa iyang amahan nga dili usikan ang bisan unsa nga parte sa lawas sa mananap nga mapatay.
Bag-ohay lang siya nakahukom nga gamiton ang iyang nakat-unan gikan sa iyang amahan.
Sa dihang siya nangayam, nakasikop siya og pito ka mga baki.
Sa report nga gimantala sa Huffington Post, nahibaw-an nga human kuhai og unod ang mga baki, iya kining gipauga dayon gitahi ug giporma og sama sa bikini.
Nagbutang siya og pila ka layers sa silak aron dili mabasa og tubig ang mga baki.
Si LeFleur niingon sa HuffPost ang lisod nga bahin sa iyang gibuhat mao ang pagpanit sa mga baki.
“Normally, to filet a frog you would just make a cut around the belly and pull off the pants to expose the legs. To keep the whole things intact, I had to turn them completely inside out without damaging the skin so it’s a more
delicate operation,” dugang niini. Dunay pipila ka tawo ang wa makauyon sa iyang gihimo apan siya nipasabot nga ang hides o panit sa mga baki way kalahian sa ubang mga mananap nga gigamit isip bisti.
Matod niya, wa niya putli og ulo ug mga tiil ang mga baki.
Siya niangkon nga delikado mahubo ang mga baki nga giporma niya og bikini kay wa kini
underwire hinungdan nga daling mahubo. /