4 SHS classrooms tukoron

ORMOC CITY - Dugang mga classrooms ang itukod sa Department of Public Works and Highways sa Ormoc City Sports Senior High School. Matod ni DPWH 4th LED head Lino Gonzales, usa ka andana nga dunay duha ka classrooms ug laing tulo ka andana nga dunay siyam ka classrooms ang itukod. Mokabat sa P27 milyones ang kinatibuk-ang kantidad sa proyekto nga sugdan karong tuiga. Dugang ni Gonzales nga humanon nila ang proyekto sa di pa sugdan ang sunod nga school year aron magamit kini sa mga tinun-an ug magtutudlo. Nakita sa Department of Education ang kadaghan sa mga tinun-an gumikan sa K-12 program. Gihangop sa DepEd ang dugang mga classrooms aron makuha na ang standard mga ratio sa mga tinun-an.

/ CEBUBOHOLADVENTURE.COM ■ PULANG BATO FALLS: Daghang mobisita nga mga turista ning usa sa mga nindot nga tourist spot sa lungsod sa Valencia, Negros Oriental, ang Pulang Bato Falls.