KUHOL GIDAKOP SA PULIS
Gipusasan ang kanhi komedyante nga si Philip Supnet mas naila sa iyang screen name nga Kuhol sa mga sakop sa Quezon City Police District
(QCPD) niadtong Abril 13.
Sigun sa taho sa PEP.ph base sa inpormasyon nga gibutyag ni QCPD director PCSupt. Guillermo Eleazar nga kasong child
abuse ang gireklamo batok ni Supnet nga karon barangay kagawad sa North Fairview, Quezon City.
Nasayran nga si Kuhol, 58 gipasanginlan niadtong Huwebes, Abril 12 nga mipugos og tsula sa menor de edad nga iyaha ra sab nga kinugos sa bunyag.
Ang maong binuhatan nahitabo sud sa tindahan ni Kuhol ug matod pa giingnan ang biktima nga: “Huwag kang maingay, balik ka bukas.”
Apan misumbong ang menor
de edad ngadto sa iyang amahan hinungdan nga gireport gilayon ang maong hitabo sa kapulisan.
Kalapasan sa R.A. 7610, or Special Protection Against Child Abuse, Exploitation, and Discrimination ang kaso ni Kuhol. Kahinumduman nga si Supnet nahimong sikat kaniadto nga nagsilbing sidekick ni Mr. Shooli ( Jun Urbano) sa mga palabas niini nga “Juan Tamad & Mr. Shooli: Mongolian Barbeque”. /