Tungod sa drugas

Dear Papa Joe,

Tagua lang ko sa ngalan nga Roger, 15-anyos, taga Talamban. Ang akong suliran kay kabahin sa akong papa nga naboang na sa drugas. Imbis nga makaeskwela ko, iya na man kong sugoun paninda og tubig sa dalan ug unsa pa. Pero mao lagi iya rang isuyop unya kon di nako mahatagan dayon kay bawi sa puhunan, iya kong kulatahon.

Wala na diay koy mama kay nilayas kay mangulata lagi si Papa.

Bugtong anak ra diay ko nila. Unsa may angay buhaton nako nga ingon ani akong amahan kay mabun-og lang ko ani? Palihug tambagi ko.

ROGER

Roger,

Kaluoy sad tawon nimo nga nabiktima ka sa imong amahan. Di ka nga angay nga dapatan labi na dili ka niya ulipon.

Kagamay pa sa imong bukog unya mag ing ana pana siya. Kon isog siya, ingna labtikanay mi ( joke).

Bitaw di gyud na pwede sa balaod. Paminaw ko bisan wala pa si papa nimo kay mabuhi ka.

Ikaw pa man gani gabuhi niya. Buot hunahunaon, para motagam duol sa DSWD para ikiha na siya og child abuse.

Sa ako nang nasulti nimo, kaya ra na nimo. Kon di, andam -ndam lang. Basin matokhang na imong amahan, pero kuydaw ayaw gyud pagbaton og pag dumot niya. Bisan ing ana na siya, imo gihapon siyang amahan. Daghang salamat.

PAPA JOE

(Sa inyong tampo ipadala lang sa papajoesuperb@ gmail.com)