TIPS SA PAGDAGINOT OG KURYENTE KARONG SUMMER
Summer na! Ug kadaghanan na siguro ang nakasinati sa grabeng kainit. Aduna’y mga estudyante ang nag summer vacation na, pwera niadtong aduna’y summer classes.
Summer! panahon sa bakasyon ug bonding sa pamilya, mao sab ni ang panahon nga mosaka ang bill sa kuryente. Naa permi sa balay ang mga bata, so abli ang sagad sa aplayanses, TV, computers, electric
fans, aircon ug ang suga. Niya gawas ini, pagsige og abli sa refrigerator kay ganahan og bugnaw nga mainom.
Hinuon, kinahanglan gyud ning mga pampabugnaw nga mga aplayanses aron dili makasinati og heatstroke. Ang panginahanglan sa paggamit niining mga aplayanses wala nagpasabot nga dili naka makahimo pagdaginot sa kuryente.
Ania ang pipila ka tips gikan sa Visayan Electric Company (VECO) aron malikayan ang pagsaka og kalit sa bill sa kuryente.
Ibta ang aplayanses nga wala gamita. Naa’y gitawag nga phantom load, mao ni siya ang mga device nga
nagkonsumo gihapon og kuryente bisan gipawng apan nakasuksok sa outlet. Mao ni ang nag-usik sa kuryente ug nagdugang sa imong bayranan. Kon nahuman na ang mga bata sa pagduwa sa ilang paborito nga Playstation o Wii game, siguradoa nga ineg human og pawng, ibta usab ang suksokanan. Apila pud ang mga
electric fan nga wala gigamit.
Pawnga ang suga nga wa gikinahanglan. Sa adlawan, likayi ang paggamit sa suga sulod sa panimalay.
Ablihi ang kurtina o ang bintana aron mosulod ang kahayag sa adlaw.
I-check imong aircon. Kon
naggamit ka og airconditioners, siguradoa nga nigamit ka sa
sakto nga AC alang sa gidakon sa imong kwarto. Ang AC nga ubos og horsepower (hp) sa dako nga kwarto, kinahanglan mag double time sa pagpabugnaw niini, i-set ang thermostat og ideal nga level.
Mas gamay og diperyensya sa temperatura sa gawas, mas ubos ang kuryente nga makonsumo niini sa AC. Mas maayo usab mogamit sa timer sa AC.
Tarunga paggamit ang electric fan. Kon naggamit ka og electric fan, siguradoa nga tarong kini pagka-maintain ug limpyo. Ibutang ang electric fan duol sa purtahan o bintana aron tarong ang pagtuyok sa hangin, ug aron bugnaw usab kini. I-lock ang oscillator niini kon usa ra ka direksyon ang naggamit niini, aron diretso ang hangin.
Tarunga usab paggamit
ang ref. Ibutang ang inyong ref sa labing bugnaw nga lokasyon sa inyong balay. Ang
maayo nga lokasyon niini diha sa norte diin layo kini sa init sa adlaw.
I-defrost usab kini siya matag-unya. Ang pagpa-ice sa ref usa kini ka rason nga nagsige og trabaho ang makina sa maong aplayanses. Tangtangan ang mga putos sa pagkaon bag-o kini ibutang sa ref. Mamahimong
insulator ang papel.
Sunda kini nga mga tips aron sigurado nga ang inyong bill sa VECO karon summer dili maghatag og labad sa ulo. /