Tepora moaway alang sa IBO featherwt. world title
Nakabaton og dakong oportunidad ang sumosulbong nga Sugbuanong boksidor nga si Jhack Tepora dihang napili siyang usa sa mga moaway sa undercard sa Manny Pacquiao vs. Lucas Matthysse karong Hulyo 15 sa Kuala Lumpur, Malaysia.
Ang pambatong boksidor sa Omega gym makigbatok kang Mexican Edivaldo Ortega alang sa inilugay sa bakanteng International Boxing Organization (IBO) featherweight title.
Sa interbyu sa Sun.Star Cebu, igsuong buhatan ning mantalaan, dako ang iyang pasalamat sa Omega Pro Sports International (OPSI) hilabi na sa iyang manager nga si Paulo Castillo nga nahatagan siya ning maong kahigayunan.
Gipanaad ni Tepora nga dili niya usikan kining maong kahigayunan.
Sulod na sab sa pito ka mga buwan nga wala nakaa- way si Teporo human niya naangkon ang bakanteng World Boxing Organization (WBO) Inter-Continental featherweight crown sa South Africa niadtong Septiyembre sa miaging tuig pinaagi sa pag-knockout kang Lusanda Komanisi.
Si Tepora naghupot og 21-0, 16KOs nga rekord samtang si Ortega adunay 26-1-1, 12KOs nga baraha.