Davao City maoy mo-host sa Palaro ‘2019
VIGAN CITY, Ilocos Sur - Ang Davao City mao ang mo host sa ika-62 nga Palarong Pambansa sunod tuig. Kini human nga hiniusa ang botasyon sa 10 ka miyembro sa Palarong Pambansa Board meeting niadtong Sabado sa Vigan. Gi-congratulate usab ni Philippine Sports Commission (PSC) Commissioner Ramon Fernandez, ang Davao, “See you all in Davao!.” “It would be an occasion to look forward to. It will inspire more athletes and youth from Davao to engage in sports.” Gawas sa Davao City, ni-bid usab nga mo-host sa Palaro 2019 ang Zamboanga Province ug Misamis Occidental. Usa ka secret balloting ang gihimo nga pagboto. Ang Palarong Pambansa Board Members gilangkuban kini ni Deped Secretary Leonor Briones, upat ka Deped undersecretaries, tulo ka Deped assistant secretaries, usa ka PSC representative ug usa ka Department of Interior and Local Government (DILG) representative.