LANGYAW MISAWAY SA DRUG WAR, GIBABAGAN SA AIRPORT
Bisan ang gibabagan sa awtoridad sa Bureau of Immigration (BI) sa Mactan Cebu International Airport (MCIA) ug gi-deport ang ilang guest nga politiko gikan sa European Union (EU), malampuson ang pag-abli sa 7th National Congress sa Akbayan Partylist sa Social Hall sa Kapitolyo sa Sugbo sugod kagahapon.
Sa samang adlaw, ang Akbayan Partylist nisaulog sa ilang ika-20 ang anibersaryo sa pagkatukod.
Lakip sa nitambong ug nihatag sa ilang mga mensahe silang kanhi Commission on Human Rights (CHR) chairperson Etta Rosales ug ang labing una nga Akbayan senator nga si Risa Hontiveros.
“Ang politika ng Akbayan ay ang politika ng pag-asa,” niingon si Hontiveros.
Nisaksi sab sila si Sen. Bam Aquino, Kong. Gary Alejano, Gob. Hilario Davide III ug Mayor Tomas Osmeña.
Gisaway sa Akbayan ang kasamtangang administrasyon, diin ubos niini, daghan ang giingong pagpamatay nga nahitabo, subay sa gihingusgan nga kampaniya batok sa ilegal nga drugas ug uban pang suliran sa katilingban.
“We know that our country is up against. Today’s dominant politics spread hate and divisiveness among out people. Tyrants with a messianic complex will offer shortcuts and quick-fix solutions to systemic problems,” dugang ni Hontiveros.
Gawas sa mga lokal nga sakop sa Akbayan, nitambong sa kalihukan ang mga kaalyado niini gikan sa ubang mga nasud.
Lakip sa gisaway sa grupo ang pagbabag sa BI ug sa mga tinugyanan sa Mactan Cebu International Airport sa Deputy Secretary General sa Party of European Socialists (PES) nga si Giacomo Filibeck niadtong Dominggo.
Gi-deport dayon ang Italian national human nga anaa kini sa listahan sa mga langyaw nga gi-blacklist tungod sa giingong kalambigitan sa mga ilegal nga kalihukan.
“The deportation of Filibeck is a deplorable act of silencing the strong voices for human rights. Filibeck was part of the international human rights mission on October 2017 where EU parliamentarians and NGO leaders denounced the killings under President Duterte’s campaign against drugs,” tipik sa pamahayag sa Akbayan.
“The ridiculous charge of “illegal political activities” is Duterte’s way of saying he wants to criminalize criticism,” dugang sa grupo.
Gawsas ni Filibeck, dugang sa taho, ang ubang mga langyasw gitugotan nga makasulod sa Sugbo aron pagtambong sa kongreso sa Akbayan.
PAMAHAYAG SA BI
Si BI Commissioner Jaime Morente niigon nga si Party of European Socialists (PES) official wala pasudla sa Mactan Cebu International Airport human naa kini sa blacklist sukad sa iyang “sukad niapil sa partisan political activity sa Pilipinas sa miaging tuig.
“He (Filibeck) was not supposed to do that because being a tourist he does not enjoy the rights and privileges of a Philippine citizen, particularly the exercise of political rights which are exclusively reserved to Filipinos,” matod ni Morente sa media kagahapon.
Si Morente niingon nga ang Pilipinas dili pwede mopasulod sa usa ka langyaw nga walay pagtahod sa mga opisyal sa nasod pinaagi sa pagpanghilabot sa internal nga kalihokan.
Iyang gitumbok ang BI Operations Order No. SBM-2015025 nga penitsahan og Hulyo 3, 2015, diin nagkanayon nga “foreign tourists in the Philippines are enjoined to observe the limitation on the exercise of their political rights during their stay in the Philippines.”
MALACAÑANG
Samtang, ang Malacañang niluwat og pamahayag sa pagsuporta sa hukom sa BI sa pag-deport sa opisyal sa EU.
Si Presidential Spokesperson Harry Roque Jr. niingon nga ang Pilipinas dunay hurisdekisyon sa pag-ban sa bisan kinsa nga langyaw “if we do not want them in our territory.”
“There is no rule under international law that will compel us to admit anyone whom we do not want to admit in our territory. That’s the exercise of sovereignty,” matod ni Roque sa mga tigbalita sa Palasyon.
“We are not obliged to allow anyone into our territory, if we do not want them in our territory. Unfortunately, the socialist leader was one of those (whom) we determine as a person we don’t want to be in our territory,” dason niya kagahapon.
Nasayran sa Superblita Cebu nga ang nasudnong kongreso sa Akbayan motapos karon.