P300K nga reward gitunol ngadto sa mga informant
Duha sa tulo ka mga informant sa pag-ambush patay sa kapitan sa Barangay Ermita sa syudad sa Sugbo gihatagan na og reward money nga gitanyag sa partidong Barug Team Rama nga mobalor og P300,000 nga nakatabang sa pagkasikop sa mga suspek sa krimen.
Ang bise mayor sa siyudad sa Sugbo Edgardo Labella inubanan ni Konsehal Joel Garganera ug Deputy Regional Director for Administration sa Police Regional Office 7 chief Franklin Moises Mabanag ang mitunol sa sobre nga adunay dakong kantidad sa kwarta.
Matod ni Labella nga ilang gisaligan ang kapulisan nga nag-imbestigar sa kaso sa kamatayon sa ilang kaalyadong kapitan ilabi na sa pagtumbok sa mga suspek nga mao ang tinuod nga nag himo sa krimen bisan pa man nga naa pa kini sa piskaliya.
"We are giving these to the police because they are the ones who is building up the case. They knew the witnesses that are vital. We are thankful to the police for the very courageous effort on the part of this witnesses who testified himself resolving perhaps the ambush of Imok,” matod ni Garganera.
Giangkon sa kapulisan nga sulbad na ang kaso gani ilang naila kinsa ang nagpaluyo o mastermind sa pagbanhig kang Rupinta.
Matod ni Mabanag nga naa na sa piskaliya ang kaso apan magpadayon pa ang ilang imbestigasyon ilabi na sa pagkuha pa og dugang ebidensya nga makapasamot pa sa pagpalig-on sa kaso.
Kun aduna pay laing mga saksi nga mopatim-aw iduso na sa PRO 7 ngadto sa Cebu City Prosecutors Office.
Gipasabot ni Labella nga wa nay reward money nga ipagawas ang ilang partido ug anaa na sa piskaliya ang desisyon kun ila nang ipasaka ang kaso sa korte. /