Alves gitudlong ambahador sa GNEA
Ang GMA Network nitudlo kang Benjamin Alves isip ambassador sa GMA Network Excellence Award (GNEA) alang sa ikatulong sunodsunod nga tuig.
Ang Kapuso star uban nila ni GMA Network Chairman and CEO Felipe L. Gozon, Vice President for Corporate Affairs and Communications Angel Javier Cruz, Senior Assistant Vice President for Alternative Productions Gigi S. Lara, ug Assistant Vice President for Talent Imaging and Marketing Simoun S. Ferrer mao ang nilagda ug nisaksi sa Memorandum of Agreement (MOA) niadtong Abril 13 sa GMA office.
Si Gozon nipadayag sa iyang pagsalig sa aaiidad sa aktor sa pagpalambo sa GNEA’s vision sa pag-ila ug pagsuporta sa batan-ong hunahuna sa kasamtangan henerasyon.
“These students will determine the future of our country, and Benjamin is very appropriate to become the ambassador for academic excellence because he was a scholar prior to his showbiz stint. He has accomplishments that the younger generation can look up to,” matod ni Gozon. Si Alves, sa iyang bahin, niingon gna mapasigarbuhon nga morepresentar sa GNEA ug naglantaw sa unahan nga mas daghang maabot nga exemplary Filipino students sa tinuok nasod.
“It is humbling to be GNEA’s ambassador. I feel like I’m still a student, I feel like I still want to seek higher education because when you see how passionate these students are, it makes you want to excel as well,” matod ni Alves.
Ang 2018 GMA Network Excellence Award nakig-alayon sa YesPinoy Foundation, Airfreight 2100, Inc. (Air21), University of the Philippines (Diliman) College of the Mass Communication Foundation, Inc., Don Bosco Technical College, ug Angeles University Foundation.
Ang GMA Network mohatag og duha ka awards – usa alang sa best communication student ug laign usa sa outstanding student sa technology-based course.
Ang nominasyon alang sa academic year 2017-2018 abli pa karon hangtod sa Hunyo 29, 2018.
Ang criteria, mechanics ug ubang detalye bahin sa GNEA Award, bisita sa http://www. gmanetwork.com/excellenceaward o kontak ni Unis M. Loleng sa 982-7777 local 1108 o e-mail GMAExcellence@ gmanetwork.com.