PAPA, ANAK SA PAGKA KAPITAN

Amahan ug anak mag-atbang sa pagpapili pagka-barangay kapitan sa Caubian, isla sa Olango sakop sa dakbayan sa Lapu-Lapu. Unang miduso sa iyang certificate of candidacy (COC) ang kasamtangang punong barangay nga si Jackson Matbagon, 41 niadtong Abril 16. Samtang niadtong miaging

adlaw pormal sab nga misumiter sa iyang COC si Romeo Matbagon, 75, nga barangay kapitan sab kaniadto.

Ang mga Matbagon nga pulos taga-Sityo Tunga, Caubian.

Gitug-an ni Atty. Ann Janette Chua-Hu Lamban, election officer sa Lapu-Lapu, nga ang barangay Pusok usa sa adunay labing daghang kandidato pagka-barangay kapitan nga miabot sa upat.

Kini naglakip ni Pusok barangay captain Caridad Dawat, former barangay kapitan Tranquilino Omolon, Marietta Layagin ug ang nag-inusara nga si Justino Booc Jr. (way

line-up sa barangay kagawad). Sumala ni Lamban nga usa sa atngan atol sa adlaw sa piniliay mao ang mga barangay sa Pajo, Pusok, Punta Engaño ug Buaya.

“Intense man gud ang nag-atbang nga candidates,” matod ni Lamban apan wa magpasabot nga “areas of concern” ang mga nahisgutang barangay.

Ang Lapu-Lapu City adunay gikatibuk-an nga 201,538 ka mga rehistrado nga botante samtang adunay 69,589 nga mga botante alang sa Sangguniang Kabataan nga nag-edad og 15–30 anyos.

Ang Lapu-Lapu adunay 537 cluster sa mga voting precinct sa mainland lakip na ang isla sa Olango.

Kagahapong adlawa moy katapusang adlaw sa pagpanawat sa COC diin mga minor nga suliran ang nasugatan sa staff sa Comelec Lapu-Lapu sama sa sayop nga form nga gi-fill up sa usa ka kandidato hinungdan nga mibalik sa uno ang kandidato sa proseso sa pagduso sa COC. /