Drugs, barangay elections

Ang han-ay sa mga kandidato sa eleksiyon sa barangay ug Sangguniang Kabataan (SK) karong Mayo 14 klaro human sa pagtapos sa filing sa certificate of candidacy (COC) sa miaging tungang gabii. Makapaabot kita sa pagbisita sa nagkalainlaing kandidato nga mangayo sa atong balaang boto hinungdan nga hashasan nato sila pag-ayo ang ilang pagkatawo ug kalihokan isip molupyo. Kinahanglan nga maglalaid kita og mga basehan, sama sa wala ba kini nabaniog nga protektor o nalambigit sa negosyo sa gidiling drugas.

Nganong gidiling drugas ang nag-una? Ang kabalaka sa pagapil sa mga tawo naglambigit sa drugas dili kabalaka lang apan matuod na. Ang Philippine Drug Enforcement Agency (PDEA) nakabantay na sa dili mominos 40 ka mga kandidato nga naa sa ilang listahan nga nalambigit sa drugas sa Central Visayas. Dason sa PDEA 7, ang 20 niini naa sa Sugbo nga ilang gipanid-an pag-ayo ang ilang kalihokan.

Kon dili sila mapakgang, dili kaha sila motikangkang na lang sa daplin sa dalan? Nagpadayon ang gubat ni Presidente Rodrigo Duterte batok sa pagpayuhot sa gidiling duha taliwala sa pagsaway sa human rights groups. Ang human rights groups walay gikasugyot sa sulbad sa problema gawas nga nagamit nga kahimanan sa kontra sa administrasyon ug dakong posibilidad nga ang grupo usab sa sindikato sa drugas.

Tungod sa pag-abuso sa gidiling drugas, daghang kinabuhi nga nadaot. Dakong istorya o banner mga balita kagahapon, diin tulo patay ug usa angol sulod sa drug rehabilitation after-care center sa dakbayan sa Talisay human gipangtigbas sa usa ka kliyente sa sentro nga naghikog usab. Mas modaghan pa ang panghitabo kon dili makontrolar ang ginadiling drugas.

Ning nagkainit nga panahon sa eleksiyon sa barangay, ang isyu sa pag-abuso sa gidiling drugas mag-unang tukion sa mga kandidato sa barangay labi na sa SK. Mosaad sila sa pagtabang sa kampanya sa kagamhanan batok sa drugas.