Bacong Sinamay Weavers gitabangan
Ang Buntis Handloom Sinamay Weavers Association (BHSWA) usa sa upat ka mga asosasyon sa Bacong nga nakahimo og livelihood opportunities alang sa iyang mga residente.
Sa upat ka mga weaving centers sa lungsod, usa niini gipanag-iya sa BHSWA sa Barangay Buntis, Bacong, Negros Oriental.
Gilangkoban sa 50 ka mga mga lalaki ug mga babaye, diin nag-organisar niadtong Mayo 6, 2015 ubos sa pag-abag sa Department of Social Welfare and Development’s Sustainable Livelihood Program (DSWD-LP), nihatag og Skill Training sa produksyon sa high quality products nga ginama gikan sa abaca ug insaktong pagdumala sa negosyo aron pagmintinar sa ilang kusog nga halin.
Nakahatag usab kini og starter kits sa paghatag og kahibalo ug gikinahanglan nga materyal ug ekipo alang sa mga partisipante sa Sinamay weaving.
Daghang mga miyembro sa asosasyon ang batid na nga weavers. Apan kinahanglan sila nga organisahon aron maligona sila sa barangay ug kahibalo sa craft ngadto sa programa sa mga interesado sa weaving.
Karon ang matag miyembro makahuman na og naproduce 30-50 meters sa Sinamay kada buwan. Ilang baligya ang ila sa tag P150 matag metro. Ang P85 moadto sa partisipante sa labor ug P65 moadto sa asosasyon.
Ang kita sa partisipante magdepende sa iyang output. Mas daghan silang makahimo og Sinamay, mas dako og kita.
Ang asosasyon saad makabaligya og Sinamay cloth matag duha ka buwan.
Pipila ka mga partisipante sa mga miyembro dili full time weavers. Ubang kanila ang tinubdan sa kita mao ang paghimo og kandila.
Sama sa ubang grupo, ang BHSWA nag-atubang usab og daghang isyu sa pagsugod.
Pipila ka mga miyembro sa kooperatiba walay igong kahanas sa pagdumala sa asosasyon. Sa pagkakaron, daghan nang partisipante sa kalihokan sa koop.
Sumala ni presidente sa BHSWA, Marilou V. Casiano, ang yawe sa mga mithi sa asosasyon mao ang pasensiya ug pagsabot.
Dugang niya, ang pasensiya magamit sa weaving ug alang sa mga sakop.
Gipasabot niya nga importante ang pagsabot sa matag usa sa asosasyon labina nga dunay managlahing batasan ang matag usa.
Ang mga miyembro motabang sa kauban labina sa pagkat-on sa trabaho sa sinamay weaving.
Ang batid nga weavers taas og pasensiya ug mogiya sa bag-ong nagkat-on. Mao kini ang ilang gisilsil nga mithi sa pagtinabangay sa grupo aron molambo, hinungdan nga ang ilang vision ug mission statement kasuwat nga klaro sa tanan sulod sa ilang buhatan aron pagpahinumdom kanunay sa matag usa ka miyembro.