Bag-ong serye sa Nokia phones gilusad

Mapasigarbohong gianunsyo sa HMD Global, brand partner sa Nokia, nga anaa na sa Sugbo ang bag-ong line-up sa Nokia Phones karong umaabot nga buwan sa Mayo.

Ang upat ka bag-ong model sa cellphone gipresentar sa media kagahapon sa Harolds Hotel, kini unang gilusad sa Mobile World Congress Pebrero ning tuiga.

Ang maong line up gilangkuban sa Nokia 7 plus, Nokia 1, New Nokia 6 ug Nokia 8110 4G.

Ang Nokia 7 plus maoy flagship sa maong line-up ug usa sa talagasaon nga feature niini nga makita usab sa New Nokia 6 mao ang split-screen photo capturing ug video recording kung diin mamahimo nimong magamit ang front ug back camera sa samang higayon, kini mapalit sa kantidad nga P21,990.

Samtang ang Nokia 1 nagkantidad ug P4,290, ug ang New Nokia 6, kansang presyo gianunsyo dinhi sa Sugbo nagkantidad ug P15,990.

Ang presyo sa Nokia 8110 4G, gikatakdang ianunsyo sa Davao.

Gipasalig ni Shannon Mead, Philippine Country Manager sa HMD Global nga padayunon nila ang kalidad ug kalig-on sa ilang produkto, diin unang nabantog ang Nokia, “HMD Global is proud to continue the story of Nokia mobile through the qualities that we first loved such as durability and innovation,

designed to suit very need and style. As a key market, we are committed to building and strengthening our presence in

Cebu.” matod ni Mead. Nunot sa pag anunsyo sa maong line up, ang paglusad usab sa Nokia Mobile NewSeum, usa ka exhibit diin i-showcase ang mga karaan ug bag-o nga Nokia phones.

Ang exhibit mabisita sa SM City Cebu gikan Abril 23 hangtod Abril 30 ning tuiga.