WARRIORS, 76ERS MING-ABANTE NA

Nakaabante sa sunod round ang defending champions

Golden State Warriors ug Philadelphia 76ers human nila gipangbuntog ang ilang mga kontra sa Game 5 nga maoy naghuman og sayo sa ilang tagsatagsa ka

1st round series, 4-1, sa National Basketball Association (NBA) kagahapon.

Atubangan sa ilang mga dumadapig, ang hosts Warriors ningpalagpot sa San Antonio Spurs, 99-91, samtang ang hosts 76ers padayon ang maayong gipakita ug ilaha sab gipangtaktak ang Miami Heat pinaagi sa 104-91 nga kadaugan.

Sa 2nd round, ang Warriors makigparang sa New Orleans Pelicans nga ningbutlog sa Portland TrailBlazers, 4-0, sa

1st round samtang ang 76ers maghuwat sa modaog sa 1st

round series tali sa Boston Celtics ug Milwaukee Bucks.

Ang Celtics ningpukan sa Bucks, 92-87, sa Game 5 aron pagposte og 3-2 nga bintaha sa ilang 1st round series sa laing duwa kagahapon.

Ang Warriors gipangulohan ni Kevin Durant pinaagi sa iyang 25 puntos, nidugang og 24 puntos samtang nihatag og 17 puntos ug career-high 19 rebounds si Jeff Green. Gisugdan sa Warriors ang duwa pinaagi sa 9-0 run ug wala na sila motugot nga makatilaw sa labaw ang Spurs hang- tod na sa katapusang gutlo.

Nakagukod hinuon dayon ang Spurs ug nakatilaw kini sa labaw sulod sa duha ka mga higayon, 18-17, ug 23-22.

Apan human niini, hinayhinay nga ningkamang ang opensa sa Warriors hangtod nga nakaposte sila og 49-38 nga labaw sa halftime.

Sulod sab sa pipila ka mga higayon nga nakapanghudlat ang Spurs diin ang katapusang higayon nahitabo sa nahabiling 57 segundos, 91-93.

Ning higayuna, ang Warriors nanghakot og puntos gikan sa freethrow line aron inaton og gamay ang ilang labaw paingon na sa kadaugan.

Ang Spurs gipangulohan ni LaMarcus Aldridge pinaagi sa iyang 30 puntos ug 12 rebounds samtang nihatag og 12 puntos si Patty Mills.

Sa Philadelphia, nagpakatap og 27 puntos si JJ Reddick aron pangulohan ang kadaugan sa nagkakuyaw nga 76ers, nga karon pa nakaabante og balik sa 2nd round gikan niadtong 2012.

Ang pambatong sentro sa 76ers nga si Joel Embiid nidugang og 19 puntos ug 12 rebounds alang sa kadaugan samtang nihatag og 14 puntos ang usa sa lig-ong mga kandidato alang sa Rookie of the Year award nga si Ben Simmons.

“I kind of promised the city

this,” matod pa ni Embiid. Ang Heat gipangulohan ni Kelly Olynyk pinaagi sa iyang 18 puntos, nitampo og 16 puntos si Tyler Johnson samtang nihatag og 15 puntos si Goran Dragic.

Sa Boston, gipangulohan ni Al Hordford ang kadaugan sa Celtics batok sa Bucks pinaagi sa iyang 22 puntos ug 14 rebounds.

Ang Bucks gipangulohan ni Khris Middleton pinaagi sa iyang 23 puntos.