17 ka warrants of arrest milusot batok sa babaye naa na sud sa bilanggoan

Laing 17 ka warrants of arrest ang gi-serve sa mga sakop sa Special Operations Goup-7 batok kang Maria Victoria Torralba sud sa female dormitory sa Cebu City Jail kagahapon sa buntag.

Ang laing mga arrest warrant nga giluwatan sa mga korte sa syudad sa Sugbo naglangkob sa mga kasong estafa.

Matod ni Police Sr. Inspector Ricardo Tero, deputy chief sa RSOG 7, nga nakapyansa’g kapin sa P300,000 si Torralba sa 14 ka mga kasong estafa.

Apan ning laing mga warrant of arrest, daghan ang mga biktima nga nipasaka og kaso batok kang Torralbe nga dinagko nga kantidad ang nadispalko.

Gitug-an ni Tero nga kagahapon sa buntag ang iyang silingan sa sitio Happy Valley, Barangay West Poblacion, siyudad sa Naga ang nibisita sa ilang buhatan ug mipahibawo nga usa sila ka pamilyahan ang nabiktima ni Torralba.

Niadtong miaging tuig, nipasaka silag kaso sa korte sa dakbayan sa Talisay human nga wala na mauli ang ilang gi invest nga P3.5 million.

Giingong ang usa sa mga igsuon niini nga nagtrabaho sa Australia mibubo’g puhunan nga P2 mMllion samtang ang magtiayong silingan nakahatag usab og P1.5 million.

“Daghan pa ni siyag na biktima daw nga ang ubang mga kaso naa pa sa korte, wala pa mogawas ang warrant of arrest. Kining usa ka pamilya iya ning silingan, gi boyboy gani ni nila kay kon wala daw ni bugas ning bayhana, sila pa ang mohatag,” matod ni Tero.

Gawas sa silingan ni Torralba, naghilak usab nga nipahibaw ang classmate niini sa high school ang nanimpalad ngamaka kwarta pinaagi sa pagsulod niini sa negosyo sa alahas nga gihaylo ni Torralba.

Nawad-an usab siya og P600,000 diin napasakaan na usab niyag reklamo sa duha ka ihap sa kasong estafa.

Gawas ani, adunay laing warrant of arrest sa kasong bouncing checks sa dihang miuntol ang tseke nga gibayad niya sa iyang nabikitma sa investment.

Gibana-bana sa Police Regional Office 7 nga di lang P60 million ang nakuha ni Torralba gikan sa mga biktima, kon di mo sobra pa sa P70 Million.

agduda karon ang kapulisan nga dunay sindikato nga nagpaluyo niini tungod sa kadako sa kwarta nga nakuha niya sa mga biktima ug tungod sa maong impormasyon mohimo og lawom nga imbestigasyon ang RSOG-7.