Half Rice Ordinance sa Cebu City napatik sa PRRI

Napatik sa PhilRice Magazine ang ordinansa sa dakbayan sa Sugbo nga nagmando sa mga estabilisemento sa siyudad sa pagsilbi og tunga sa takos nga kan-on ngadto sa ilang mga kustomer.

Ang PhilRice Magazine, usa ka publication nga gidumala sa Philippine Rice Research Institute (PRRI), nipagawas ang maong estorya atol sa ilang October-December 2017 issue.

Kini human usa ka Mary Grace Nidoy ang nakurat sanglit nadiindiin nalang siya og suroy apan sa dakbayan sa Sugbo siya natingala dihang nisugot ang usa ka restaurant sa iyang order nga half rice.

“In most cases, whenever I order half-cup rice in a food establishment, I am told they don’t serve it. When I insist, I would have to pay the price of the whole-cup serving. For fastfood chain, it is non-negotiable,” saysay ni Nidoy.

“But not in Cebu. After all, this eatery is simply complying with a regulation,” dugang niya apan wala niya gibutyag ang pangalan sa kan-anan nga iyang gikan-an.

Ang iyang order nga half rice nakabaton og katumanan human sa gipasar nga ordinansa ni Konsehal Mary Ann de los Santos niadtong tuig 2014.

“There’s so much waste. When people go out to eat, they are not very keen on avoiding rice wastage,” pamahayag ni de los Santos nga napatik sa PhilRice Magazine.

Para sa mga makalapas sa maong ordinansa, ang first

offense adunay P1,500 nga multa, P3,000 sa ikaduhang higayon, P4,000 para sa ikatulo ug P5,000 para sa mosunod nga violation ug pagkansela sa ilang business permit.