BACK-TO-BACK NGA KADAUGAN SA CORDOVA
Nahimong crowd favorite ang contigent sa Bailes De
Cordova dancing contigent atol sa pagtapos sa kasaulogan sa Kadaugan sa Mactan nga Rampada 2018 nga gipahigayon sa Hoopsdome, Lapu-Lapu City.
Apan wa mangiwit ang contigent sa Barangay Buaya, Lapu-Lapu sa ilang performance sa dihang maoy champion sa Barangay Category ug winner isip Most Colorful ug Most Lively contigent awards.
Ang Bailes De Cordova sulob sa ilang neon orange ug yellow colored tribal costume nga giparesan og gold boots maoy mananaog sa Open Category sud na sa duha ka tuig.
Moabot sa P250,000 ug laing P30,000 alang sa choreographer ang nadawat sa Bailes De Cordova nga gikuyogan sa Cordova Mayor Mary Therese Sitoy – Cho.
Second place sa Open Category ang Mactan Dynamics Dance Company ug ang Nemesian Dance Theater maoy third place.
Samtang nangharos ang Barangay Buaya sa ilang mga daog sa Barangay Category nga adunay kinatibuk-ang cash
prize nga P220,000, ang barangay Babag maoy second place ug nakuha ang minor awards nga Best in Costume ug Best in Headdress nga gidesinyo ug gigama ni Lyndon Adolfo.
Ang barangay Ibo maoy nilangkob sa Top three.
Ang lead dancer sa Bailes de Cordova nga si Hydie Sarcauga maoy napiling Reyna Bulakna ug maoy nakakuha sa Best in Production Number ug Best in Production Costume atol sa gipahigayong
search niadtong Biyernes. Garbo alang ni Lapu-Lapu City Councilor Harry Radaza nga maoy utok sa pagmugna sa Rampada (Rampa sa Kalsada) nga unang gipahi- gayon niadtong 2011 taliwala sa mga kausaban human nga wa na ipahigayon ang Street Dancing sa kalsada apan padayon gihapon kini gidugok sa mga tumatan-aw.
Una na niyang gibutyag nga ang kagamhanan migahin og P3 milyones nga budget alang sa maong kalihokan. Nahimo sab nga malampuson ug grand ang okasyon ubos sa pagdumala sa Rampada artistic director ug Elena Berame nga nangulo sa organizer./