Landfill gisalikway sa konseho sa Cebu City

Nasangit sa Cebu City Council ang tinguha sa operator sa Material Recovery Facility (MRF) ug sanitary landfill sa barangay Binaliw, bukiran sa amihan sa siyudad.

Kini human napakyas pagkuha sa mayoriya nga boto si Konsehal Alvin Arcilla kinsa maoy niduso og resolusyon aron tugotan unta ang tagdumala nga makasugod na og gamit sa ilang pasilidad.

Gumikan sa wala pagkahiusa sa mga konsehal, gipaubos kini sa pagboto diin nagtabla sa 8-8 ang pabor ug supak sa paghatag og special use nga permiso apan gibuak kini ni Bise Mayor Edgardo Labella ug nahimong 9-8 pabor sa pag-disapproved niini.

Si Konsehal Joey Daluz III, nipadayag nga maayo ang gisaad sa tagdumala sa landfill diin atol sa duha ka executive session nga gipahigayon ilang gisaad nga 92 porsiyent usa basura subling maggamit ug 8 porsiyento ra ang malabay sa 1.7 ektaryas nga landfill.

“If this is really true that the garbage that will be thrown in Binaliw will be segregated and according to the executive session, 92% will be reusable meaning only 8 percent will be thrown into the pit that’s a very wonderful,’ padayag ni Daluz.

Giangkon sa ARN Builders nga walay track record niini.

Gumikan niini, gusto ni Daluz nga mopahigayon og laing public hearing ang developer ug iapil na ang mga barangay gikan sa Talamban paingon sa kabukiran nga maoy apektado unya sa maong landfill.

Apan si Arcilla niingon nga kinahanglan nang makadesisyon ang konseho sanglit katulo na niya giduso ang maong resolution ug wala pa gihapon mahatagi og final decision uban sa pagbutyag nga gituman ug gisunod sa developer ang t legal nga rekisito.

Ang maong MRF ug landfill gipahunong niadto sa barangay Binaliw ug Environmental Management Bureau (EMB).