Nganong gamay ang nagpapili sa SK?

Duha ka mga rason ang nakita ni Gob. Hilario Davide III nganong menus lang ang mga nagpapili pagka-chairman ug sakop sa Sangguniang Kabataan (Sk) alang sa umaabot nga eleksiyon sa pipila ka mga dapit dinhi sa Sugbo.

Una ang probisyon sa Sk Reform Act nga nagdili sa pagpadagan sa SK positions sa mga batan-on nga may paryente nga naglingkod usab ug elective post diha sa gobiyerno.

Ikaduha mao ang possible nga disiteres lang gyud sa mga batan-on nga magpapili ug posisyon diha sa kagamhanan.

Dinhi sa Sugbo, moabot sa kinatibuk-ang 2,555 ang mga niduso sa ilang certificate of candidacy pagka-SK chairman samtang 13,341 usab pagka-Sk member.

Apan nasayran nga dunay mga barangay dinhi igo lang gyud nakaangkon sa insaktong ihap nga 7 aron makumpleto ang konseho sa SK.

Matod sa gobernador nga inig human sa piniliay, maayo usab nga masusi sa Commission on Elections ang maong hisgutanan ug posibleng i-rekomendar sa Kongreso nga amendahan ang anti-political dynasty provision sa balaod.

Kini aron kahatagan ug higayon kadtong mga batan-on nga may paryente naglingkod sakagamhanan, nga makaserbisyo gihapon kon interesado gyud siya sa pagpangalagad.

Ang pagpanaug sa maong balaud gibasi sa mga kasinatian niadto nga ang SK nahimo nang pulitika kaayo ug sama sa sayong gitudloan og pangurakot tungod sa pag-abuso sa mga beteranong politiko kanila.