Tips sa pagdaginot og tubig

Kon ang buwan sa Abril mao ang labing uga nga buwan, ang buwan usab sa Mayo mao ang labing init nga buwan sa tibuok tuig.Kini matod pa sa Philippine Atmospheric Geophysical and Astronomical Services Administration (Pagasa).

Tungod kay panahon sa ting-init hinungdan nga gitambagan ang publiko nga moinom og daghang tubig ingon man nga maligo kini permi aron malikayan ang mga nagkadiayang sakit nga motumaw.

Ang tubig nga gikan sa gripo, aduna kini potassium ug zinc nga gikinahanglan sa lawas sa tawo.

Kay init man ug dali nga mohubas ang tubig, ania’y pipila ka tips ang Metropolitan Cebu Water District aron ang pagdaginot og tubig.

Aron makadaginot og tubig, pamubo sa imong tanom sayo sa buntag o sa hapon na.

Gamita ang recycle nga tubig alang sa imong tanom, pang-flush, ug panglimpyo sa imong grahe. Maka save ka og 10 ka gallon niini.

Limpyohi imong sakyanan, ka usa o kaduha sa usa ka buwan, aron makadaginot ka og 50 ka gallon sa tubig.

Balika og sul-ob imong karsones aron maka-save ka og 10 ka gallon sa tubig.

Gamita og balik imong baso o botelya kon anaa ra ka sa balay.

Ibutang ang imong pagkaon ug utanon sa usa ka butanganan kon manghugas ka niini. Ayaw biyae nga nag-agas ang tubig niini gikan sa gripo.

Alang sa kadtong mobakasyon, ania ang laing reminders:

Siguradoa nga wala’y leak. Bag-o molakaw, tanawa sa imong mga tubo kon wala ba kini mga leak.

Ayoha og naa. Ayaw biyae kini nga nag-leak o nagtulo. Ayoha dayon kini.

Sirhi ang main line. Kon taas-taas man ang inyong biyahe nga wala mo sa balay, mas maayo nga pawngon ang main valve niini aron dili masayang ug magdagan ang metro. /