Bag-ong kapitan sa Punta Engaño miasumir
Bisan hamubo nang nunot sa eleksiyon sa Mayo 14, ang bag-ong barangay kapitan sa Punta Engaño, dakbayan sa Lapu-Lapu City opisyal nga kagahapon sa buntag human nakadaug sa kaso.
Gihawanan na sa mga butang ang buhatan ni kanhi kapitan Lourdes Ibag sud sa barangay hall.
Apan kampo ni Ibag padayong nikuwestiyon sa paglingkod ni Diosminda Hayashi nga matod pa, way opisyal nga proklamasyon nga gihimo tali sa Commission on Election (Comelec).
Inubanan sa iyang mga dumadapig, nisulod sa barangay hall si Hayashi ug nakig-atubang sa pipila ka mga nahibiling barangay staff.
Bitbit ni Diosminda Hayashi ang mga dokumento gikan sa Commission on Election (Comelec) en banc nga nagpamatuod nga siya niguwa nga mananaog sa miaging 2013 barangay election, writ of execution gikan sa korte og uban pa diin iyang gipabasa sa barangay secretary.
Mensahe ni Hayashi ngadto ni Ibag ingon man sa mga konstituente nga: “Maghiusa ta. Magtinabangay ta sa barangay. Dili ta magkontrahay kay managsuon ra ta diri.”
Unang gihimo ni Hayashi sa iyang pagsulod sa Punong Barangay Office mao ang pagpamapha sa abog sa office chair ingon man ang pagpanarapo sa nahibiling office table sa kapitan.
Gikuwestiyon sa kampo ni Ibag pinaagi sa iyang abogado nga si Atty. Richard Bauzon human sa gipatawag nga tigom sa Department of Interior and Local Government (DILG) Lapu-Lapu ug Commission on Election (Comelec) Lapu-Lapu sa MTCC sa Lapu-Lapu Hall of Justice ang paglingkod ni Hayashi.
Nasayran nga base sa pamahayag sa adviser ni Hayashi, Emie Bustillo nga pahibaw-on ni Atty. Bauzon ang iyang kliyente nga si Ibag nga mo-cease and desist sa iyang function ni Ibag isip opisyal sa barangay.
Apan giingong dili nila ilhon si Hayashi nga mao nay barangay kapitan.
Dugang mangayo sab og opinyon ang kampo ni Ibag gikan sa local DILG nga sa higayon ihunong ni Ibag ang iyang katungdanan, unsay mosunod nga lakang.
Buot mahitabo sa kampo sa kanhi kapitan nga samtang nagpaabot sa proklamasyon sa Comelec ngadto ni Hayashi, angayan nga bakantehan una ang barangay hall.