NASUKO NGA ABAT MIATAKE SA LALAKE
Nangangkon ang usa ka fitness trainer nga giatake siya sa abat dihang iyang gisusi ang 800 ka tuig nga lubnganan nga giingong abtanan.
Gikataho sa mirror.co.uk nga si Tony Ferguson nga iyang nakuhaan og hulagway dihang ang espirito nipaingon kaniya samtang naglakaw siya sa menteryo sa St. Mary’s Church sa Eling, Hants.
Ang nakuha nga footage sa 33 anyos nga si Ferguson nagpakita sa miaso nga puti paingon sa iyang camera diin iyang giangkon nga ang abat miatake kaniya.
Si Ferguson, usa ka personal trainer ug paranormal investigator, namahayag nga nidesider siya sa pagpasusi sa mentery nunot sa mga tawo nga may negatibong nabatyagan samtang mobisita sila sa mga lubong sa ilang mga minahal.
Nitataw siya nga human niya matan-aw ang video pinaagi sa slow-motion iyang gituohan nga ang espirito usa ka lalake nga daw sa pugngan ang mg tawo nga makabisita sa lubnganan.
Midugang siya nga kalma ra siyang nisud sa menteryo ug nangangkon nga ang footage ebidensiya nga ang espirito nagpatrolya sa dapit.
Iyang gipadayag nga di kaayo siya mosusi og mga menteryo kay di siya motuo nga kay ang mga tawo gilubong niini mahimo na kining abtanan.
Apan, adunay mga tawo nga miduol kaniya nga nabalaka sa ilang mga minahal sa kinabuhi nga gilubong sa dapit kay sa higayon nga ilang mabatyagan ang mga negatibo sitwasyon di na sila komportable niini.
Nipadayag si Ferguson nga sa kinatibuk-ang higayon nga didto siya sa menteryo nahangop niya ang bati nga enerhiya ug nasinati niya nga may tawo nga di buot adto siya didto.
Ang iyang REM pod, usa kini device nga makig-communicate sa espirito, sige lang og kapawong busa nagtuo siya nga adunay “paranormal” nga nahitabo.
Gihulagway niy anga ang kalit siyang nakadungog og “whoosh” nga gikan sa usa ka lubganan ug kalit nga niduol kaniya.
Dihang gisusi niyag balik ang footage ug nakita niya nga ang espirito nilupad padung niya nga gihulagway niya nga di kasagaran mahitabo.
Gitumbok ni Ferguson lahi kini nga kasinatian niya apan nalipay siya kay iyang nasuta.
Midugang siya nga dihang iyang gihinayhinay sa pagtan-aw ang footage nakita niya ang espirito nga diha ug naporma.
Matod niya nga masuk-anon kini nga espirito sa karaan nga menteryo ug gituohan niya nga ang abat usa ka lalake. /