Importante ba ang prenuptial agreement sa di pa mosud sa kaminyuon?

Leah Dean Diabordo

Ang prenuptial agreement importante na gyud siya sa pagkakaron labi na kung dunay mga kabtangan, investments ang usag usa nga mamana nila sa ilang mga ginikanan o kaha duna nay mga hinaguan daan nga napundar sa wa pa makasal kay ang balaud ra ba sa magtiayon nga kinasal bisan pag unsay napundar nimo sa wa pa makasal ug hangtud nga kinasal namo mahug raba nga conjugal property ninyong duha. Unya dili naman gyud malikayan nga naay mga mapahimudsanong tawo karon mapababaye man o lalake nga tungod sa maong balaud mag- take advantage sila nga duna silay katungod sa mga napundar sa ilang pares, unsaon naman lang og pananglit dili magkasinabot unya magkabuwag? Alkanse kaayo ang perting paningkamot ug kayud aron makapundar ug makatigum, kay obligado man gyud nga tungaon ang mga butang ug mga natigum nga properties. Kahayahay nalang sa pares no nga walay singot sa paghago? Ako lang ning kaugalingong panahum kay sama sa nahitabo sa among duha sa akong bana, ang nagpahimos siya ug iyang pamilya sa wa nila hagui. Hayahay kaayo sila!

Banjo Rico Buenaventura

Prenup agreement by definition is an agreement made by a couple before they marry concerning the ownership of their respective assets should the marriage fail. Para nako importante jud kaayo na, we know nga na juy magtiayon nga mapul-an sa usag usa, dili lang puol sa gugma puol pud sa panagkuyog nilang duha ilabi na ug naay issue saa kwarta. Para paglikay sa dakong gubot inkaso mahitabo ang ing-ana nga panghitabo, dapat naay prenuptial agreement. Usa pud na sa paagi para hapsay ang kinabuhi human sa panagbuwag kay wala nay hunahunaon bahin sa pagbahinbahin sa kabtangan kay wala nay inilugay nga mahitabo.

Lovely Vanessa Torres

Dili nana importante. Ang labawng importante nga maglungtad ang relasyon ug walay pangitaay og another karelasyon. Dili ikabaylo ang butang sa tinud anay nga gugma.

Rica Mae Bolaquina

Para nako magdepende ni siya sa sitwasyon sa mga minyu-onon. Kay if naay kaya syimpre importante ang prenup kay para manas kaayohan sa anak og sa ilang pamilya, secured na daan. Pero og sa sitwasyon nga wa jud murag di na mag matter ang pre-nup kay og hapsay lang ang panagpuyo, mahatag man gihapon na ang gusto og panginahanglanon sa pamilya.

Cerwin Auman

Naimbento ra man nang prenuptial agreement sa mga adunahan, kay ug buot jud nato tugkaron, dili naman na kinahanglan pa. Kanang gusto ug prenuptial agreement, kana nang mga tawo nga insecure, walay kalinaw sa hunahuna ug labaw sa tanan, dili hingpit ang pagsalig sa iyang nahimung kapikas sa kinabuhi.

Lorelie Paires Munro

Para nako dili importante ang prenup agreement kay tungod kung nagminahalay mo sa imung kapikas dapat what is his is hers and what is hers is his. Ug kung kung maprinsipyo ka nga tawo, kung ang kabtangan nga wa ka maghirap to have it nganu i-claim man nimo as naa kay part. I know some people will become greedy because of money even di ila.