Down pero ‘very good’

Ang latest Social Weather Station (SWS) survey sa Marso nagpakita nga mitidlom og 10% ang trust rating ni Pamuno Duterte, apan giila nga “very good.”

Kini nagpasabot nga nagbukal sa gihapon ang pagsalig sa katawhan kang Digong sa iyang panimunil sa kagamhanan. Sa ato pa, way pagkutat ang popularidad niini.

Dinhi, sa way kang-a, padayon ang iyang paggukod sa drug trade nga mora sag way paghubas sa nasod. Kini suma sa mga balita nga atong mabasa sa mga mantalaan kada adlaw.

Mayoriya sa 42,000 sa mga barangay sa nasod nalubong sa drugas. Dinhi lang sa Sugbo sa 1,203 ka mga barangay, 1,024 ang apektado sa drugas.

Kining mga kritiko sa drug campaign ni Digong nagsawom lag lubog nga tubig. Gihimong kahimanan ang issue sa ‘extra-judicial killings’ pagdani sa katawhan.

Tan-awa, dakong uyon gihapon ang mga tawo sa mga pamaagi karon sa kagamhanan. Apan lisod ang pagpanton sa mga drug users. Tungod kay nakagamot nang bisyo lisod ang pagtangtang.

Monang nagbalikbalik lang sila. Hunong unya balik. Balik unya hunong. Daw way katapusan. Busa wa say katapusan ang paggugod ni Digong kanila.

Di na sila mahadlok bisan sa kamatayon manukol pag pinusilay. Tungod kay di praktisado mao gyuy mabiktima. Ingon ani ang kahimtang karon nga makapakurog sa balatian.

Mahimong maanad lng ta ani, unya. Mag-ampo lang nga di mosamot inig-exit na ni Digong kay samtang naa pay mga supplier naay dealer-pusher ug user. Pun-an sa pag-apil sa mga pulis ug taga-PDEA na, patay!

Hinaot nga ang makapuli unya ni Digong susama niyag kalibre ug panlantaw. Apan kon talawan ug maki-oligarch mapasagdan ang nasod.

mitidlom og 10% ang trust rating ni Pamuno Duterte, apan giila nga “very good.”