Hambog sa presidente?
Para nako, binoang ang giluwatang pamahayag ni Presidente Rodrigo alang sa mga Overseas Filipino Workers (OFW) sa nasud sa Kuwait sa pagpauli na sa Pilipinas.
Ang rason naay daghang trabaho nagpaabot. Nabalaka man gud ang presidente sa kahimtang sa mga OFW nga nabiktima sa pagmaltrato.
Niining puntoha, nakadayeg ta sa pakabana ni Duterte. Pero motug-an lang unta sa tinuod nga nagka-problema ang Pilipinas,sa kakuwang sa kasudlan og trabaho.
Daghan kaayong mga butang nga kutob lang sa saad ang presidente. Sama sa problema sa mga nahimong biktima sa gubat sa Marawi City ug uban pa.
Liboan ka mga taga Boracay ang nakulban sa ilang kaldero human nawad-an ug trabaho sa dihang gipasira niadtong April 26,2018.
Buhat nga duna untay katumanan ang atong mapaabot ug di ang way klaro nga estorya. Di man intawon madag ulo-ulo ang mga tawong aborido ang ulo kay wanay trabaho ug gigutom.
Ug mas importante pa niini ang panahon sa pakig-estorya sa New People’s Army (NPA) kaysa pagsulbad sa kagutom sa katawhan.
Ang gisaad nga pagbarato sa bugas ug mga palaliton ang nahitabo mas mahal man hinuon komparar sa miaging administrasyon.
Pastilan! Pagka walay klaro!
LABOR DAY
Sa pagsigi nato og saulog sa Labor Day matag Mayo 1, kining tuiga maoy pinakalisud sa kahimtang sa katawhan karong tuiga.
Tungod sa grabing kataas sa presyo sa mga palaliton gumikan sa Train Law usa ka matang sa buhis nga maoy nakapasamot sa kamahal sa palaliton.
Ang singgit sa katawhan ug militanting grupo gikinahanglan lang paminawon sa administrasyon ni Duterte.
Kay sukwahi ang gihimo sa presidente sa mga saad niini ug pagtuo sa katawhan sa pagsaka sa kahimtang sa panginabuhi sa mga pobre.
Iya man hinuon nga gitiwasan ang pag-antos sa mga tawo. Og lipaton lang ta sa propaganda nga gamay ra ang ang nag-antos sa kagutom karon ubos sab iyang administrasyon.
Way kasingkasing sa kaluoy ug maayo lang modag drama?
Pagka dimalas sa Pilipinas naka presidente kita og way klaro!
Ang end of contractualization (Endo) kutob ra sa tumoy sa dila sa presidente. Puwede man kining ipatuman bisag dili lang sa tanan.
More than a century has passed since the very first Labor Day was celebrated and yet the struggle for a better life for our beloved workers continue. I assure you that this government will never cease to provide the Filipino worker with full, dignified, and meaningful employment.”
- President Rodrigo Duterte