‘Why do I feel empty?’-- Sarah
Nangayo og pasaylo si Sarah Geronimo sa audience sa Las Vegas concert niya niadtong Abril 29 tungod sa grabe niyang hilak.
Matod sa taho sa ABS-CBN News nga nibiya kadiyot si Sarah sa stage kay dili na niya mapugngan ang iyang grabeng emosyon.
“Why do I feel empty?” matod kuno sa 29-anyos nga pop princess. Wa sad niya matiwas ang signature song niyang “Forever’s
Not Enough,” tungod sa grabeng
danguyngoy.
Nahuman ra hinuon niya ang concert sa tabang sa iyang guest performer nga si Mark Bautista nga nigakos aron siya maymayan. Ang video clip sa iyang concert giingong viral karon, diin makita nga gipahalipayan siya sa iyang fans ug management. Makita usab si Mommy Divine sa iyang kiliran. “No pasensiya, you did a very
good show,” matod sa babayeng
fan kang Geronimo sa video. “Don’t be sorry, you put up a very good show. Mas lalo kaming na-impress sa ‘yo because you have a big
heart. Sobra. God is good.”
Sa iyang speech, si Geronimo namahayag nga gikapoy siya sa sunodsunod niyang concert ug rehearsals hinungdan nga maorag wala na siyay umoy sa concert.
Matod usab ni Bautista, “No
sleep but she gave her all.” Si Sarah gikan pa sa shooting sa iyang upcoming movie nga Miss Granny dihang nilarga siya sa Amerika alang sa “THIS 15 ME” tour nga nagsugod niadtong April 14. Gitakda sad siyang mag-concert sa Chicago ug New York.
Ang iyang boyfriend nga si Matteo Guidicelli nipasalig nga bisan unsay mahitabo naa ra siya sa iyang kiliran. “Keep walking, I’ll always be beside you. No matter what. I love you my love. And I miss you,”
ni Matteo sa iyang Instagram./