ELASTO PAINTERS 3-0 ANG TINGUHA
Mga duwa karon
4:30 pm- GlobalPort batok Blackwater
7:00 pm- NLEX batok Rain or Shine
Angkunon og suway sa Rain or Shine Elasto Painters ang solong liderato sa ilang pagpakigbatok sa NLEX Road Warriors sa main game karong gabii sa Philippine Basketball Association (PBA) Commissioner’s Cup sa Ynares Center sa Antipolo City.
Ang Road Warriors nasubhan og 109-103 nga kadaugan batok sa Alaska Aces unya ilaha kining gisundan og dakong kadaugan batok sa crowd-favorite Brgy. Ginebra Gin Kings, 108-89.
Maayo ang kasamtangang dagan sa Elasto Painters gumikan sa maayong paggiya sa ilang beteranong pointguard nga si Chris Tiu.
Sa nag-una nilang duha ka mga duwa, ang 32 anyos nga si Tiu nag-average og 14 puntos, 6.5 assists ug 3.0 rebounds nga nagpahimo kaniyang labing unang PBA Press Corps Player of the Week.
Ang kanhi Three-Point champion, milupig sa iyang kauban nga si Raymond Almazan, lakip na nila ni Talk N’ Text KaTropa guards Jayson Castro ug Terrence Romero sa inilugay ning maong pasidungog.
Batok sa Road Warriors, dili ikalimod nga makonsiderar nga inilog ang Elasto Painters.
Ang Road Warriors nabunyagan og dakong kapildihan batok sa Columbian Dyip, 123-103.
Sa premirong duwa, mosuway pagbangon gikan sa tulo ka sunodsunod nga kapildihan ang Blackwater Elite sa ilang pagpakigbatok sa GlobalPort Batang Pier.
Sa miaging adlaw, gikataho nga gitaktak sa Blackwater ang ilang headcoach nga si Leo Isaac human nila naangkon ang ilang ikatulong sunodsunod nga kapildihan.
Ang Batang Pier naggunit og 1-1 nga rekord.
Nasugamak sa dakong kapildihan ang Batang Pier batok sa Talk N’ Text KaTropa, 114-128, sa premiro nilang duwa unya munasginhawa silang mingdaog batok sa Meralco Bolts, 86-85, sa ikaduha nilang tahas.