UMAPAD DUMPSITE KUYAW ‘MOULBO’

METHANE GAS NAKIT-AN SA JICA; IDEKLARAR NGA DANGER ZONE

■WAY KALIBUTAN. Mga bata nagkalingaw sa pagkatkat sa usa ka dumptruck nga nagkarga og mga basura samtang mga mamunitay busy sa pag-utingkay sa ilang magamit ug mabaligya. Wa sila masayod nga ilawom sa dumpsite, naa ang methane gas nga posibleng moulbo hinungdan nga nagplano ang kagamhanan sa Mandaue City nga ideklarar kini nga danger zone.

Gideklarar ni Mandaue City Mayor Luigi Quisumbing nga usa ka danger zone ang Umapad dumpsite sa dakbayan human makaplagi nga dunay methane gas ang ilawom niini nga peligroso ug kuyaw nga mobuto.

Kagahapon, niduso na sa iyang rekomendasyon ang mayor ngadto kang Bise Mayor Carlo Fortuna, presiding officer sa Konseho, aron kahimuan unya og ordinansa ang deklarasyon niini sunod sesyon.

Ang desisyon ni Quisumbing nahimo human nga nipagawas sa resulta ang Japan International Cooperation Agency (JICA) niadtong Miyerkules nga adunay mga “methane gas deposits” ang maong dumpsite.

“Sa initial test nila, nakit-an nila nga ang garbage sa Umapad dumpsite was as deep as 10 meters and because of that, and because there were a lot of organic materials that were dumped over the years, there was a significant

amount of methane gas which can be possibly flammable or

even combustible,” ni Quisumbing sa dihang nahinabi sa mga tigbalita kagahapon sa buntag.

Dugang niya nga ubos sa saktong sikumstansya, posibleng mobuto ang methane gas deposits susama sa nahitabo niadtong 2010 nga adunay sunog nga nahitabo sa dumpsite ug niabot ngadto sa usa ka semana usa nakontrolar ang kayo.

Paambit sa mayor nga human sa maong hitabo niadto, nihimo og interbensyon ang kagamhanan sa dakbayan aron kalikayan nga masubli kini, apan iyang giangkon nga wa nisaler ang ilang gihimo. Gisirad-an

Gisirad-an na sa Dakbayan ang maong dumpsite sa hinapos sa milabayng tuig alang sa mga planong pagpalambo niini.

Tulo ka dagkong proyekto mga ang gitinguhang buhaton sa kagamhanan sud niini inabagan sa mga pribadong sektor.

Ang kagamhanan nitagana og P120 milyones alang sa centralized nga Material Recovery Facility (MRF), waste to energy facility nga buhaton pinaagi sa Public- Private Partnership (PPP) ug sewage and septage treatment plant nga himuon unya sa Metropolitan Cebu Water District (MCWD) nga inabagang proyekto sa PICA ug Mega Cebu, ni Quisumbing.

Sa tulo ka proyekto, ang unang himuon unta mao ang sewage and septage treatment plant.

Sumala ni Quisumbing nga hinapos sa 2017 nihimo og soil testing ang JICA sa sa dapit ug nipahibaw ang maong ahensya sa resulta sa milabayng semana.

Gawas sa gilawmon nga 10 metros nga natambak nga basura nga susama sa gitas-on sa tulo ka andanang edepisyo, nasuta sa resulta sa soil testing nga daghang “pockets of methane gas deposits” pasabot nga nagkatag sa nahimutangan sa makadaot nga gas.

Ang chief consultant sa JICA Study Team niingon nga kinahanglang kuhaon sa pinakadaling panahon ang methane gas sa dumpsite aron kalikayan ang possiblidad sa pagboto niini.

Kagahapon, si Fortuna ug Archt. Aracelli Barlam, pangulo sa City Environment anf Natural Resources Office (CENRO) nakighimamat sa mga taga Department of Environment and Natural Resources (DENR) 7 aron masuta ang gidak-on sa risgo sa

methane gas sa dumpsite ug aron nga mahibaw-an unsaon ang insaktong pagkuha sa gas deposits.

“We will coordinate with DENR- EMB and Department of Energy to find a best way to extract and remove the methane gas deposits,” padayag niya. Plano ug rehabilitasyon

Nunot sa nadiskubrihan sa JICA, di una ipadayon sa kagamhanan ang mga proyekto alang sa maong dumpsite, sigun ni Quisumbing.

“We have no stronger priority than public safety and we will prioritize the rehabilitation of the Umapad dump site to become a safe zone at the safest and soonest possible time," si Quimsumbing nagkanayon. /