St. Martin de Porres parish mosaulog sa ika-50 nga anibersaryo sa Mayo 6
Uban sa dakong grasya gikan sa Kahitas-an, ang bugtong Roman Catholic St. Martin de Porres Parish sa Archdiocese sa Sugbo mosaulog sa ika-50 nga anibersaryo karong Mayo 6 nga gihatagan og “Year of Grace” ni Cebu Archbishop Jose Palma.
Tungod niini, ang prelate nideklararar sa parokya nga “place of pilgrimage” gikan sa Mayo 6, 2018 ngdto sa samang petsa sa 2019.
Si Cebu Archbishop Jose Palma nitugot sa espisyal nga pabor sa bisan kinsa nga mobsita sa parish church gikan sa Mayo 6 2018 ngadto sa May 6 2019, matod ni Rev. Fr. Nestor Atillo, kura paruko.
Usa ka kondisyon, kinanglan nga naa sa state of grace pinaagi sa pagpangalawat, pagtambong og misa, ug pag-ampo sa Our Father,” usa ka Hail Mary,” ug usa ka “Glory Be” alang sa intensiyon sa simbahan ug Papa aron mahatagan sa grasya.
Sa Mayo 5, si Cebu Auxiliary Bishop Dennis Villarojo maoy mo-preside sa alas 4:00 sa hapon nga misa ug mosunod ang solemn procession sa imahen ni St. Martin de Porres.
Pagkaugma, alas 10:00 sa buntag, si Cebu Archbishop Jose Palma maoy preside sa Pontifical Mass sa pag-abli sa 50th anniversary celebrations sa parokya ug Year of Grace.
Ang parokya giestablisar ni Archbishop of Cebu Julio Cardinal Rosales y Ras niadtong Mayo 6, 1968 ug ang mga bunga sa parokya: Frederick Malinao; Fr. Reymilo Talaugon;
Fr. Lyle Cono; Fr. Adolfo Bonghanoy, Jr., MSP; Fr. Bernard Monteron, MOLA; Fr. Expedito “Junjun” Torrevillas of Brgy. Ilihan; Msgr. Jemar Vera Cruz of Brgy. Sab-a; Fr. Candido Saladaga, OSA of Brgy. Don G. Antigua; Fr. Euselito Tulipas of Brgy Caduawan; Sr. Cristine Aroa; Sr. Rose Dahuya, ug Sr. Jenny Cortes.
Si Fr. Aquino Padilla maoy unang kura paruko ug gisundan nila ni Fr. Nicolas Batucan (1976), Fr. Jose Mamites (1984), Fr. Constantino Navales (1989), Fr. Manuel Tan (1994), Fr. Virgilio Paras (2001), Fr. Hernani Vercede (administrator), Fr. Joseph Gabriente (administrator), Fr. Aeulos Villar (administrator), Fr. Nestor Soriano (2009), ug Fr. Nestor Atillo (2013-present).
Kini 80 kilometros gikan sa Cebu City sa Barangay Ilihan, Tabogon, Sugbo ug dunay 13 ka barangays sa parokya.