CAVS, BOSTON 2-0 NA SA SERIES
Parehong nagbangis sila si LeBron James ug Kevin Love aron agakon ang Cleveland Cavaliers sa dakong kadaugan batok sa Toronto Raptors, 128-110, sa Game 2 nga naghatag kanila og 2-0 nga bintaha sa Eastern Conference semi-finals series kagahapon sa National Basketball Association (NBA) 2018 Playoffs.
Si James nagpakatap og 43 puntos ug 14 assists samtang si Love nidugang og 31 puntos ug 11 rebounds alang sa Cavaliers.
Nagkanayon si Love nga sa wala pa nagsugod ang duwa, aduna na siya’y nakitang senyales nga magbangis si James basi sa pamay-ong niini.
“This morning you could just sense it,” matod ni Love.
“He knew what was at stake, he knew us getting another win here was going to be huge for us. He came out and he played that way from the jump. You could just sense that he was going to have a special night.”
Basi sa Elias Sports Bureau, si James ang labing unang magduduwa nga nakahakot og labing ubos 40 puntos ug 14 assists sa kasaysayan sa NBA Playoffs.
Gawas niini, nakadugang sab og walo ka rebounds si James aron hingpit iugbok ang iyang dominasyon sa duwa. “He got it going and he was
feeling it,” matod ni Cavaliers coach Tyronn Lue.
Apan alang kang James, dili niya makaya ang tanan kon wala ang dakong suporta sa iyang mga kauban hilabi na si Love.
“It was great to see that performance out of him. He’s our All-Star power forward. That’s
a huge game for him,” matod ni James kabahin kang Love.
Si JR Smith nidugang og 15 puntos alang sa Cavaliers, nihatag og 14 puntos si Jeff Green samtang niamot og 13 puntos si George Hill.
Mismong si Raptors coach Dwane Casey miangkon naglisod siya pagsulbad sa kabangis nga gipagawas nila ni James ug Love.
Ang Raptors, nga maoy No.1
team sa Eastern Conference, gipangulohan ni DeMar DeRozan pinaagi sa iyang 24 puntos, nihatag og 21 puntos si Kyle Lowry samtamg nitampo og 16 puntos ug 12 rebounds si Jonas Valanciunas.
CELTICS 108, 76ERS 103
Sa Boston, nakaposte sab og 2-0 nga bintaha ang hosts Celtics sa laing Eastern Conference semi-finals humam nila giusban pagbuntog ang Philadelphia 76ers.
Gipangulohan ni Jayson Tatum ang kadaugan pinaagi sa iyang 24 puntos, nidugang og 20 puntos si Terry Rozier samtang niamot og 19 puntos si Marcus Smart.
Ang Celtics misaka sa 6-0 nga rekord sa mga duwa ning maong playoffs nga gipahigayon sulod sa ilang balwarte
nga mao ang TD Garden.
“Coach was saying whoever is the tougher team is going to win,” matod ni Rozier.
“They definitely punched us in the mouth at the beginning of the game. We just had to bounce back and get things together.”
Ang 76ers gipangulohan ni J.J. Reddick pinaagi sa iyang 23 puntos lakip na niini ang lima ka three-points shots, nitunol og 22 puntos si Robert Covington samtang niamot og 20 puntos ug 14 rebounds si Joel Embiid.