Pagpirma og covenant

Di bag-o kining pagpa pirma og covenant kun kasabutan sa mga kandidato alang sa SK ug Barangay election. Mao ni sagad natong madunggan sa panahon sa piniliay. Tinguha sa mga nagpasiugda nga mopatigbabaw ang kalinaw ug kahusay taliwala sa katalandugon sa sitwasyon sa ubang mga barangay.

Namirma na tuod ang kadaghanan. Sa covenant nga ilang gipirmahan napatik didto ang pasalig nga sa kanunay sila nga mga kandidato magtamod kanunay sa mga balaod sa piniliay.

Likayan ang paghimo o pagpasiugda ug kagubot. Isalig sa Comelec pinaagi sa PNP ug militar ang tanan nilang yangungu labot sa piniliay ug di ibutang sa ilang mga kamot ang paghukom sa bisan unsa nga kalapasan nga ilang nadiskubrehan.

Sa ato tuyo sa covenant signing nga way dugo nga mobanaw gikan sa pagpangampanya hangtod sa adlaw aa piniliay. Ang papirmahon ang mga kandidato ra.

Unta to gipaapil ug papirma ang ubang tawo nga sa tan-aw sa kapulisan dako ug ika tampo aron mopatigbabaw ang kalinaw ug kahusay.

Mao lage sa nangaging mga piniliay wa magsilbi ang covenant signing sa ubang dapit sa nasod. Nibanaw gihapon ang dugo. Kini tungod kay wa man tumana ang kasabutan.

Kanang kasaburan nga gipirmahan papel ra gyud. Kung pagpaka aron ingnon ra gyud ang tuyo sa namirma wa gyu’y mahimo ang nagpasiugda.Mao nay giingon nga puy-i kung unsay imong gipirmahan.

POLICE STATION

Sa mosunod nga mga adlaw dunay pang ablihan nga police station sa dakbayan sa Sug- bo. Mai sab ni ang giplano sa ibang ciudad. Nagtubo ang papolasyon ug pabilin ra gihapon ang gidaghanon sa mga pulis.

Mao ra gihapon ang gidakon sa mga police station. Ilabi na kadtong mga estasyonan nga gisingit lang sa mga barangay hall. Sama sa Police Station nga naa sa silong sa Punta Princesa Barangay Hall. Pastilang gamaya ra gyud sa maong police station.

Nagsinardinas ang mga pulis. Samot na ang detention cell. Diha na’y mga plano nga ibalhin kini ug laing lugar. Usa nahunahunaan mao ang area sa Barangay Labangon. Apan wa pa sa’y luna nga kabalhinan. Kung naa man gani kinahanglan pa nga hapsayon ang deed of donation.

Di mapakagawas ug pundo ang Camp Crame para sa construction kung wa pa ma-donate ang luna. Ingon sab niini ang nahitabo sa ubang dapit. Naay mga pulis nga mahimong idistino aron molangkub sa bag-ong police station. Ang problema way lote nga katukuran. Kung naa man gani nagkinahanglan pa nga kini idonar.

HOMICIDE

Naay building sa sulod sa Camp Sotero Cabahug sa Cebu Citynga nagkinahabglan ug dinaliang pagtagad. Mao ni ang building nga giokopahan sa Homicide section, Crime Scene Investigation, Warrant section ug naa pay mga opisina sa taas.

Sa akong tan-aw angayan na gyyd nga nga i-rehabilitate ang maong building kay mapuslan pa man ang mga pundasyon ug beam. Ang bungbong, kisame ug atop hilabihan na ka gabok.

Simbako maglinog ug kusog o mo-spark ang linya sa koryente siguradong maapiki ang mga okopante. Kung di pa maka gahin ug budget ang Crame ang city hall angayang magpakabana.