MINILYONG DONASYON SA PBA
Managribal man tuod ang San Miguel Corp. ug MVP Sports Foundation sa Philippine Basketball Association (PBA) apan nagkausa ang duha ka dagkong mga kompanya alang sa usa ka dalaygong lakang – tabangan ang Philippine sports.
Ang duha ka mga kompanya ninghatag og P20 million matag usa isip donasyon ngadto sa Philippine Olympic Committee (POC) alang sa preparasyon sa Pinoyng mga atleta nga mohamag sa Asian Games karong Agusto ug Southeast Asian Games sa sunod tuig.
Ang PBA ningtunol sab og donasyon nga P6 million ngadto sa POC human kini nakakolekta og P500,000 matag usa gikan sa ilang 12 ka miyembrong teams.
Nagkanayon si POC president Ricky Vargas nga dako niyang pasalamat sa mga kontribyusyon
nga ilang nadawat gikan sa pribadong mga sektor.
“I would like to thank the PBA, SMC and MVPSF for their contribution. These are all directed towards the NSAs and the athletes for the Southeast Asian Games and Asian Games,” asoy ni Vargas sa interbyu sa Spin.ph.
“We are all very thankful for these contibutions. All of these, para sa atleta, para sa bayan, para sa programa.” Nagkanayon si PBA commissioner Willie Marcial nga ang paghatag nila’g donasyon ngadto sa POC usa ka ideya sa ilang board of governors.
Matod ni SMC sports director Al Francis Chua nga wala sila magmakuli sa paghatag og donasyon.
“Sa San Miguel naman kung saan kami makakatulong sa atleta. We’re supporting our president, our chairman, Mr. Ricky Vargas. My boss, Ramon S. Ang, donated P20 million para makatulong sa atletang Pilipino,” matod ni Chua.
“Si Commissioner Willie ang nag-suggest na pwede lakihan namin because we’re supporting our chairman. He’s part of the family. When Mr. Marcial called us na lakihan namin ang ibibigay, yun ang ginawa namin lahat to show na magtutulungan kaming mga governors.”