Ancajas nakapabor batok Sultan Peñalosa ug Mayol
Minneapolis - Duha ka mga kanhi Filipino world boxing champions ang mitagna nga pabor si International Boxing Federation (IBF) super flyweight champion Jerwin “Pretty Boy” Ancajas batok ni ALA boxer ug mandatory challenger Jonas “Zorro” Sultan.
Si Ancajas (29-1-1, 20KO) modepensa sa iyang titulo batok ni Sultan (14-3-0, 9KO) karong Mayo 26 didto sa City of Fresno, California State, USA ubos sa Top Rank Promotions. “Advantage si Ancajas (Jerwin) kay Top Rank Promotions boxer siya. Nindot ni nga away pero tan-aw nako 40% ang tsansa ni Sultan (Jonas),” matod ni kanhi two-time world title
holder Gerry “Fearless” Peñalosa dihang nahinabi sa Sunstar Superbalita Cebu via online. Hinuon matod ni Peñalosa nga ang style ni Sultan makahatg og problema ni Ancajas tungod kay usa ni ka hungry
boxer. Alang kaniya nga lisod kontrahon ang boksidor nga gutom sa titulo.
“Para naku mas lamang si Ancajas (Jerwin), 60-40, tungod kay mas beterano siya. Ikaduha mas taas siya og knockout percentage ug ikatulo ubos siya sa Top Rank Promotions.
Gipasabot ni Mayol nga dali kaayo nga maka-adjust si Ancajas sa estelo ni Sultan base sa nangaging away niini nga gani bisan sa teritoryo sa iyang kontra iya kining pangtumbahon.
Iyang giingon nga ang pinakalisod nga nakontra ni Sultan mao lang si ex-champion
Jhon Riel Casimero.
Sa pikas bahin, si Wild Card
assistant trainer Marvin Somodio, nipahibalo nga di siya kasiguro kinsay modaug sa duruha.
“Di ko alam sinong manalo, kasi pareho naman magaling. Syempre may chance si Sultan kung nag training ng mabuti at gutom rin yan sa titulo,” batbat ni Somodio.
Sa iyang habig si ALA Gym Cebu chief trainer Edito Villamor niangkon nga 50-50 ang tsansa sa iyang boksidor tungod kay maayo nga boxer si Ancajas ug usa ka kampiyon.
“But Sultan is ready nga makuha ang bakus kun ma-deliver lang niya ang game plan
like what he did to Casimero,” butyag ni Villamor.
Apan miklaro si Edito nga ang mga fans nga motan-aw sa away siguradong malingaw kay ang duha ka boksidor pulos well condition.
Si Ancajas ug Sultan managhigala sa personal ug pulos mga Bisaya. Si Ancajas taga Panabo City, Davao del Norte samtang si Sultan taga Tampilisan, Zamboanga del Norte.