3 NANG PATAY SA SUNOG SA ERMITA

Tulo na ang nakalas sa sunog sa Sitio Kawit, Barangay Ermita, syudad sa Sugbo niadtong milabayng buntag.

Si Barangay Kapitan Mark Miral nikompermar nga kagahapon sa buntag, ang kabanay nilang Ida Alolod, inahan niadtong duha nga napaig sa sunog ang nangayo ug tabang sanglit ang usa sa anak niini namatay sa tambalanan.

Ang namatay kagahapon sa buntag mao si Princess Alolod Echavez, 7, tungod sa naangkon niining paso sa lawas.

Niadtong miaging adlaw, unang namatay ang magsuong John Mark, 2, ug Jovielyn Alolod, 9, human nga wa makagawas sa kwarto nga ilang gikatulgan.

Gipangdala sila sa tambalanan tungod sa mga paso sa lawas.

Si Rachel Naparre, silingan nilang Princess Alolod, nitug-an sa Sun.Star Cebu nga iyang nakita nga nabundak ang lawas niini sa dihang padung na modagan pagawas sa balay niini.

Iya pa unta kining nga birahon aron pagawason sa ilang balay, apan dugay nakabangon.

Tungod sa kainit ug pagpangatagak sa kahoy nga adunay kayo ug nangasunog nga trapal, niunsa una nalang kini sa pag gawas ug gibiyaan ang 7 anyos.

Apan pipila ka gutlo ang milabay, nakagawas ang bata nga luya na nga halos di na makatingog.

“Akoa na siya nga gibira pero dugay man siya nibangon. Init naman kaayo kay nangatagak na bitaw ang kayo gikan sa plastic ug sa trapal. Naabot naman iyang paryente,nibiya nalang ko. Maayo gani wala akong mga anak,” asoy ni Naparre.

Matod ni Nagiel Bañacia, pangulo sa Cebu City Disaster Risk Reduction and Management Office, nga iyang gipasusi ang kahimtang sa mga biktima ug si Princess ang nagrabihan sa paso sa nawong ug hapit mahurot ang tibuok lawas sa paso.

CASH ASSISTANCE

Hatagan sa Cebu City Government

og P20,000 nga cash assistance ang mga biktima.

Niingon si Cebu City Mayor Tomas Osmena nga mo release ang city government og cash assistance ngadto sa matag pamilya sa barangay Ermita.

“And that’s just the basic cash assistance and personally giving one tent to each fire victim. Even though most of them are Team Rama, fine, drug lords, fine whatever, victim man gihapon. Way

pili-pili, including the councilor whose house was burned. All of them are going to get one tent each from me,” saad pa niya. Nisaad sab ang mayor nga hatagan og medical assistance ang mga naangol.

“When someone gets burned, needs medical assistance, we will spend a lot.If the person was a bread-winner, we will help the family. But if it’s a child, we will give them memorial assistance, burial assistance,” dugang pa niya. / AYB & Treshea Mae Phrea Y. De Pio – STC Intern