MIREKLAMO KAY NAKAKITAG HUBO

Manulingay nga silingan napul-an na og sigeg tan-aw sa ilang magtiayong silingan nga magsige lang og hubo sa ilang balay busa nibutang siyag “note” naghulga nga ireklamo sila sa kapulisan og “indecent exposure”.

Ang magtiayon nga Karin ug Jay Stone, molupyo sa Lemington, Newcastle, giingnan nga ipasira sa ilang “blinds” sa panahon nga sila magsul-ob o hubuon ang ilang mga senina nga nasulat sa memo nga gibutang sa ilang letterbox.

Ang suwat mikomentaryo sa gidak-on sa ubang parte sa ilang lawas apan way pangalan ang nagpadala niini unya nihisgot nga gipul-an na sila sa pagtan-aw sa dagko nga dughan ug gamay kaayo nga kinatawo, matod sa Chronicle Live nga gikutlo sa mirror.co.uk.

Ang magtiayon nga Stones i- nisyal nga nahibung ning suwat nga ilang nadawat apan ilang gitubag kini uban sa pagpadayag nga ilang gikataw-an lang kini.

Anaa sa suwat nga nagkanayon “Would you please close your blinds when getting dressed or undressing. We are sick of seeing big bum big boobs and little willy [sic] and we will report you both for indecent exposure. Your neighbors.” Si Karin, 33, nagkanayon nga wa siya makasabot niini kansang wa nila iparada ang ilang hubo nga lawas kay normal raman ang ilang pagpuyo.

Iyang gitumbok nga adunay mga tawo nga nanuling kanila busa nagtinguha sila nga mobawos sa pagpadala usab og suwat.

Gikonsiderar usab niya ang pagbutang og note sa ilang bentana nga butangan niya sa mga pulong nga “stop looking!”

Apan ang magtiayon nakakita og kataw-anan ning suwat nga gipadala kanila nga nikawhat og debate sa tibuok kalibutan human si Karin ni-post og hulagway niini sa Facebook unya nag-viral.

Iyang gitumbok nga nahibung ang iyang bana dihang nakuha niini ang suwat samtang wa siya sa ilang balay diin gipahibawo siya niini ug gi-post lang dayon ni sa Facebook.

Matod ni Karin nga dihang nimata siya iya nalang nakitan nga aduna na kini 15,000 ka komentaryo sud sa 24 oras ug may nadawat siya nga tawag gikan sa Australian breakfast show aron hinabion siya. Adunay mga tawo nga nisugyot unsaon nila sa pagtubag kadtong silangan nila nga misuwat apan may binuang usab nga mga sugyot ang gipaambit ngadto kanila. /

/ MIRROR.CO.UK ■ NAGHUBO. Gikataw-an lang nilang ni Karin ug Jay Stone ang suwat reklamo sa ilang mga silingan nga sige lang sila og kakita niini sa ilang hubo nga lawas atol sa pagsul-ob ug paghubo sa senina.