Nangamatay tungod sa eleksiyon?
Grabi kahakog bisan sa ka gamay sa ilugan nga katungdanan alang sa umaabot nga eleksiyon sa barangay magpinatyanay man.
Sa gipagawas nga record sa Philippine National Police (PNP) niadtong Dominggo miabot na sa 21 ang nangamatay tungod sa umaabot nga Barangay ug Sangguniang Kabataan elections.
Basi sa record, kini may kalambigitan sa kainit nga miresulta sa bayolenting panghitabo sa kampanya.
Mao nga gipahugtan sa kapulisan ang pagbantay sa mga lugar ilabi niining pagsugod na sa kampanya
Pili-a og maayo kay karon nang Lunes Mayo 14 ang paghukom kon si kinsa ang angayang pili-on aron maoy moda sa renda aron mahimong lider sa barangay.
SERBISYO SA LTO
Kaniadto wa ug tu-o ang santako nga madawat sa buhatan sa Land Transportaion Office (LTO) tungod sa mga isyu sa kalangan ug korapsyon.
Karon usa ako sa nakabinipisyu sa kapaspas sa pag renew sa drivers license pinaagi sa pagbutang sa LTO og mga sangang buhatan sa mga nagkadaiyang malls sama dinhi sa siyudad sa Sugbo.
Apan dili pa plastik . Kay waman ko makapahimulos sa limitadong slot nga maka pahimulos sa di mominos sa 30 ka mga tawo ang ilang matagaan sud sa usa ka adlaw.
RADIO DYC MISIKAT
Basi sa Kantar Media Ratings Survey ang radio station DYCM nga nakabasi sa siyudad sa Sugbo, nahimutang na sa ika-lima nga puwesto .
Maayo kining balita alang sa management sa manager nga si Jayson Monteclar, nga maoy nagduma sa prime time radio program.
Di lalim ang pagpasud sa Top 5 sa grabing kompetisyon ug sa kadaghan sa sibyaanan sa radyo dinhi sa Sugbo, nabutang sa No.5.
Ilabi karong mga panahuna nga nahulga ang mga sibyaanan sa radyo tungod sa ka popular sa social media.
Sa kapin sa 20 ka tuig sa akong sa kasinatian sa pagpang radyo grabi ang audience ikompara karon.
Base sa madawat nakong suwat (wapay uso ang cellphone) moabot ngadto sa dul-an sa 200 sa usa lang ka semana alang sa akong radio program.
Karon sa nagkagrabi nga kompitisyon, dili lalim ug sayon ang pagdumala og usa ka radio station.
Congratulations sa management and staff ug ilabi sa mga tigpaminawan nga maoy naka pahimong no.5 sa radio rating sa DYCM.