Vision of love

Miseryuso pag-ayo si Eman. Naghuwat ko sa iyang itubag nako. Dugay ko niyang gitan-aw. Unya gihurot niyag inom ang iyang drinks.

“Kon sa imong pagtuo usa ka pagpanimawos ang gihimo ko sa mga babaye, Lyza, aw, naa ra nimo. Pero di lalim, uy, nga duwa-duwaan lang ang atong gugma.”

Miduko ko. Giduwa-duwaan ko sa gikuptan kong tinedor ang spaghetti nga wa ko mahurot pagkaon. Husto man sab nuon si Eman. Kaupat siya pasakiti sa nahimo niyang girlfriends. Kaupat siya limbongi. Sakit kaayo ning luiban ta, uy.

“I understand, Eman. Pero hangtod asa kutob nang imong pagtuo nga pulos mga traydor ang mga babaye?”

“I don’t know, Lyza. Maybe forever, or maybe kon dunay girl nga mopabatyag nako nga tinud-anay ko niyang love.”

Nahilom ko. Gihurot kog inom ang akong pineapple juice.

“Ikaw, Lyza, komusta ang imong lovelife?”

Nakapangawot ko sa akong ulo ug nahikatawa ko. Wa ko magdahom nga makapangutana si Eman nako sa ingon.

“Well, duna koy boyfriend, Eman. Pero let’ say nga di mi para sa usag usa.”

“What do you mean by that, Lyza?”

“Nagkasabot mi nga magbuwag. We found out nga parehas lang diay mig gibati sa usag usa. Wa diay gugma diha sa among gibati, kondi usa lang ka pag-admire. Usa lang diay ka pagdayeg ang gibati ko kang Nikko. He’s tall, dark and handsome. Ug mao sab ni ang iyang gibati nako. Usa lang ka pag-admire sa akong kaguwapa ug kaseksi.”

Mitukiki kog katawa sa katapusang linya sa akong diyalog. Nagpabiling seryuso si Eman.

“Husto ka, Lyza. You’re beautiful and sexy. Angay gyud kang daygon ana. Pero ingon ba lang ana kadali ang inyong desisyon nga magbuwag?”

Mipakibo ko sa akong mga abaga. Gipakita ko kang Eman nga husto ang among desisyon ni Nikko.

“O, Eman. Unsa pa man diay dugayan? Ma-develop ang gugma? Wa kaayo ko motuo ani. One week human sa among pagbuwag ni Nikko, nakakita dayon siyag girl nga iyang gipuli nako. So, wa gyuy gugma si Nikko nako, di ba, Eman?” Miyangu-yango si Eman. “Maong nakaingon ko sa akong kaugalingon nga kon makigrelasyon kog usab, kanang love gyud nako ang laki.”

Naghilom si Eman. Unya namauli na mi.

(SUMPAYAN)