Halad sa Central DGBI Kinabuhi Year 2
Tibuok pwersa sa Central Democratic Guardians Brotherhood, Inc. (Central-DGBI) nagmalampuson sa ilang gipahigayong “Dugo Halad sa Kinabuhi Year 2” niadtong Abril 29. 2018 diha sa Barangay Jugan, lungsod sa Consolacion, Cebu.
Usa kini ka tinuig nila nga blood letting activity diin duha na ka tuig nila kining gihimo ubos sa pag-abag sa Phil. Red Cross nga gipangulohan ni Dr. Alessandra Kamille Mallari, MD uban sa kaubanan nga sila si Erika Mae Llamido, RMT, April Mae Tangoan, RMT, Alfred Ybañez, RMT, Amaryllis Mallari, RMT ug Nilo Comidido.
Nisuporta usab sa maong kalihukan si Raul del Prado sa Brigada News FM ug mga kauban.
Usa kini sa mga dagkong proyekto nga gihimo sa grupo gawas sa ilang binulan nga
feeding activities, libreng blood sugar check-up ug libreng tupi. Gawas niini, padayon gihapon sila nga mipaeskwela og mga estudyante pinaagi sa ilang Scholarship Program diin mokabat na sa 70 ka high
school students lakip na ang ilang scholars nga mi-level up na niadtong bulan sa Abril.
Gani karong tingbukas sa klase, mopili na usab sila og laing batch sa mga pobre apan desedidong makatungha nga mga estudyante.
Kining maong programa nagsugod niadtong tuig 2009 diin gikan sa first year hangtod na sa 4th year ang grupo maoy moabaga sa balayranan sa eskwelahan sa maong mga estudyante.
Ang Central DGBI gidumala karon sa ilang labing labaw nga si Mr. Feliculo “GSMF Double Delta” Lecciones, Jr. inabagan sa iyang deputy nga si Edwin “MF Niño” Gulfan.