ENFORCER ANGOL SA SA SUNOG, KRITIKAL

Di momemos 10 ka mga balay ang hingpit nga naugdaw sa sunog sa sitio Agay-ay, Barangay Tejero, siyudad sa Sugbo kagahapon sa hapon.

Nadawat sa kabomberohan ang sunog alas 2:52 ug dali nila nga giisa sa 2nd alarm diin ang mga silingang fire sub

station ningresponde. Gibana-bana sa kabomberohan nga moabot ngadto sa P100,000 ang danyos sa sunog.

Usa ka traffic enforcer ang gikataho nga nakuryentihan ug naa sa kritikal nga kahimtang.

Matod ni Fire Chief Inspector Noel Ababon, fire investigator sa BFP 7, nga nagsugod ang sunog sa balay ni Willie Brigoli nga niadtong tungura nag luto.

“Ang possible cause of fire although under investigation pa ni, ang lead namo kay unattended

cooking kay naa may nisulti nga naa kunoy nabiyaan nga giluto,” matod ni Ababon.

Usa ka fire volunteer sa Ermita ang naangol human mahulog samtang nagpadayon pa ang pagpawong sa kayo.

Giila kini nga si Kyle Cantiberos, naa na karon sa tambalanan sa syudad sa Sugbo.

Samtang usa usab ka sakop sa Citom ang nakuryentihan sa dihang mitabang sa pagman sa dagan sa trapiko ug niabag usab sa mga bombero.

Ang biktima giila ni City Disaster Risk Reduction and Management Office Head Nagiel Bañacia nga si Roy Coronado.

Ang balay, matod pa, ni Coronado atbang lang sa mga balay nga nasunogan apan wa niini mabantayi ang natagak nga wire sa kuryente gikan sa poste nga natugsaw sa tubigan nga bahin hinungdan nga milatay sa iyang lawas ang kuryente. “Natabang pa ni sa atong

personnel kay taga diri ra man sad to siya. Gi CPR ni ang Citom. Dalhon na unta sa hospital. Maayo gani kay naagi ang ambulance sa Visayas Community Hospital, gisakay na lang siya,” matod ni Bañacia.

Sa tan-aw ni Bañacia, sigun sa iyang gisugo nga personnel, naa sa talandugon nga kahimtang si Coronado sanglit luya kini nga nadangat sa tambalanan. /