LIBOAN KA FLYERS IPAKATAP NI OSMEÑA

GIANDAM BATOK SA MGA KANDIDATO SA TEAM RAMA

Libuan ka flyers ang giandam ni Cebu City Mayor Tomas Osmeña ngadto sa lainlaing mga barangay sa dakbayan sa Sugbo kansang mga kapitan adunay minilyon nga unliquidated financial assistance.

Ang maong mga barangay sagad iya sa Team Rama ug kaatbang sa iyang mga kandidato sa barangay alang sa umaabot nga eleksyon karong Mayo 14.

Si Kapitan Ramil Ayuman sa Barangay Apas kinsa kritiko ni Osmeña, maoy unang ni-post sa iyang Facebook account labot sa maong flyers.

Ang unang flyer nagkanayon, “Bisan kinsay mapili o makadaog sa barangay election, hinumdumi si Tommy Osmeña gihapon ang magpabiling mayor. Ang pangutana?

Si Mayor Tommy matinabangon ug mo-amuma sa barangay. Kinsay iyang unahon? Ang mga kapitan sa BOPK o ang mga kapitan sa pikas? Isip isip!”

Ang laing flyer nga itom og

color gipanganlan ang mga kapitan ug gipangutana og asa na ang minilyon nga kwarta nga ilang nadawat isip financial

assistance gikan sa City Government niadtong panahon ni kanhi mayor Michael Rama.

“Feliciano, asa ang kwarta P14.6 unliquidated cash advance, Maria Yvonne Feliciano gikawat nimo ang kwarta,”ang napatik sa ikaduhang flyer.

Ang kapitan sa Barangay Calamba nga si Feliciano nagkanayon nga nakahibawo na siya sa mastermind sa pagpakatap.

“In case mogawas na nga

flyers, klaro na kaayo kinsay magpa-distribute kay nakuha na nila gabii,” matod sa kapitana sa iyang komentaryo sa post ni Ayuman.

Si Feliciano gisuwayan og tawag sa Superbalita Cebu aron kuhaan unta og reaksyon niining nakasuwat sa flyers, apan way nitubag sa iyang cell phone.

Si Ayuman maoy nitubag ug iyang gipikhan si Osmeña.

“Ang “liar, evil” nga mayor nagpaprinta na og mga black propaganda. Anytime I-distribute na ni Malacora sa GSO aron pagpintal nato nga gikawat nato ang kwatra”tipik sa post ni Ayuman para mahibawo ang iyang mga kaubang kapitan.

Si Osmeña niangkon nga siya ang nagpaprinta sa maong mga flyers ug di kini black propaganda sanglit tinuod

nga wa pa ma-liquidate ang maong mga kantidad.

Nagtuo siya nga gibulsa ang maong salapi sanglit pipila sa mga barangay kapitan pulos nindot og balay.

“I’m just reporting to their constituents what kind of crooks your barangay captains are. Let them explain to the people. that’s based on records. It’s not good to them. That’s why it’s black propaganda,”matod ni Osmeña kinsa nihagit sa mga kapitan pagpasaka og kaso batok kaniya kon wala sila kauyon sa iyang gibuhat.

Ang mayor nibahad nga iyang ipa-priso ang mga kapitan nga wa makahusay sa mga

financial assistance nga ilang gidawat diin 50 ang gitumbok, 15 na kanila ang gipasakaan og kasong administratiba ug criminal sa Office of the Ombudsman Visayas. /