PROPAGANDA.
Sa iyang Facebook post, gipakita ni Apas Barangay Captain Ramil Ayuman ang hulagway sa pipila ka flyers nga giingong giandam ni Cebu City Mayor Tomas Osmeña batok sa mga kandidato sa barangay elections sa Team Rama. Gawas ining flyers, duna say giingong mga tarpaulin nga ipamitay nga nagsumada sa giingong wa makwentadang pundo.
Si Cebu Governor Hilario Davide III wa makakita og problema kon ang Cebu City Government wa moapil sa labing unang traffic summit sa Probinsya.
Kini bisan pa sa mga panawagan gikan sa urban developers ug transport officials alang sa synchronization sa traffic policies sa tanang local government units isip paagi sa pagpaarang-arang sa nagkagrabeng trapik sa Metro Cebu.
Sa interview, si Davide nisulti sa mga reporter nga wa siyay nakitang dautan sa pamahayag ni Cebu City Mayor Tomas Osmeña nga di siya mosugot sa Cebu City Transportation Office (CCTO) sa pag-apil sa traffic summit nga giorganisar sa Province ug Mega Cebu Development Coordinating Board (MCDCB).
Si Davide niingon nga bisan kon ang di moapil sa traffic summit, ang traffic plans nga motumaw atol sa summit mahimong ikonektar sa traffic plans sa Cebu City.
Sa iyang pagtuki atol sa traffic summit kagahapon, si Engr. Lynn Madrona nitataw sa panginahanglan sa hiniusang traffic policies sa matag LGU.
Si Madrona, kinsa public transportation ug management consultant alang sa Japan International Cooperation Agency ( Jica), nitataw nga ang koordinasyon ug kooperasyon tali sa LGU sa Metro Cebu mahinungdanon alang sa pagpatuman sa proposed projects ug plans.
Siya niingon nga karon nga ang 13 ka mga LGU naa nay tagsa ka sa traffic codes, ang synchronization gikinahanglan karon aron malikayan ang pagsungi sa traffic policies.
Gawas sa siyudad sa Sugbo, Mandaue, Lapu-Lapu, Danao, Naga, Carcar ug Talisay, ang mga lungsod sa Consolacion, Compostela, Minglanilla, Liloan, Cordova ug San Fernando naa say ilang kaugalingong traffic codes.