Yapha, Largo gikiha sa 11 ka mga opisyal sa Toledo
Onse ka mga opisyal sa Toledo City nipasaka og counter nga mga kaso batok kang Acting Mayor Antonio Yapha, Jr. ug City Legal Officer Teresito Largo tungod sa pagtudlo nga way pagtugot o concurrence sa City Council.
Mga opisyal nipasaka kanila ni Yapha ug Largo sa kalapasan sa Republic Act 3019 kun Anti-Graft and Corrupt Practices Act, misconduct, abuse of discretion ug paglapas sa Code of Conduct and Ethical Standards for Public Officials and Employees, conduct prejudicial to the public service, ug Local Government Code of 1991 sa Office of the Ombudsman Visayas.
“The very crux of the controversy is the fact that Yapha knowingly approves and grants to Largo the privileges and benefits appurtenant to the position of City Legal Officer,” matod sa reklamong giandam sa mga abogado sa complainant nga sila si Inocencio de la Cerna, Jr. ug Hazan Bargamento.
Mga ningkiha mao sila si Acting Vice Mayor Marjorie Perales ug City Councilors Jay Sigue, Antonio Borja, Jr., Merly Abad, Rogelio Caburnay, Sr., Zosimo Abellanosa, Dario Surig, Leo Dolino, Arlene Zambo, Ceasar Ian Zambo, ug Louis Nicholas Espinosa.
“The time has come for a reckoning. Mayor Yapha has committed patently illegal acts without the authority of the city council. He will face a juggernaut of cases,” nagkanayon si de la Cerna. Si Largo una nang nipasaka og kasong kriminal ug administratiba batok sa walo ka incumbent nga mga opisyal sa siyudad ngadto sa Office of the Ombudsman-Visayas.
Giakusahan ni Largo ang mga konsehal og grave misconduct, abuse of authority and discretion/oppression prejudicial to the best interest of the service tungod sa ilang pagdumili sa pag-aksyon sa iyang appointment isip city legal officer.
Si Largo nihangyo kang Deputy Ombudsman Paul Elmer Clemente sa pagsanta sa mga konsehal sa giingong sayop nga paggamitsa mga konsehal sa ilang paggamit sa ilang gahom “in a manner extravagantly, whimsically, capriciously and unlawfully unless your good office would timely intervene to stop.”
Mga respondent sa kaso ni Largo mao sila si City Councilor Sigue, Borja, Jr., Abad, Caburnay, Sr., Abellanosa, Surig, Dolino, ug Perales.
Si Largo gitudlo sa usa ka co-terminus nga pwesto isip city legal officer ni Acting Vice Mayor Antonio Yapha, Jr. niadtong Enero 12, 2018. Bisan kon naa siya sa tanang
qualifications alang sa posisyon, ang city councilors, atol sa ilang session niadtong Enero 30,2018, nipasar og resolusyon nga nagsalindot sa
endorsement ni Yapha sa pagtudlo kang Largo.
Apan matod ni Largo nga ang wa pagdawat sa mga konsehal sa iyang appointment way basehanan ug nasukwahi sa legal opinion sa Department of Interior and Local Government (DILG) Opinion 26-2007.
Nagduda si Largo nga dunay pamulitika.
Apan sa reklamo sa City Council, ang mga complainant niingon nga sila si Yapha ug
Largo nakalapas sa mga probisyon sa Local Government Code nga may kalambigitan sa procedure sa appointment sa local government units.
Matod sa mga konsehal nga ang duha ka mga opisyal nakahimog grave misconduct dihang si Yapha namugos sa pagtudlo kang Largo “by hook, or by crook.”
Gusto nila nga sila si Yapha ug Largo pahamtangan og preventive suspension.